Eignamiðlun kynnir:

Sérlega vandað og glæsilegt einbýli á þremur pöllum, mikil loftæð, glæsilegur arkitektúr,  vandaðar innréttingar og falleg útisvæði kringum húsið. Einstök 65 fermetra sérlega skjólsæl verönd til suðurs útfrá stofu. Samtals birt stærð hússins er 386 fermetrar, þar af er bílskúr 38 fermetrar. Frábærlega hannað að utan sem innan eftir Ívar Örn Guðmundsson arkitekt, Studio Nexus arkitektum. Frábær staðsetning nærri skólum og gönguleiðum.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða [email protected] sem einnig sýnir eignina.
SMELLIÐ HÉR TIL AÐ SÆKJA SÖLUYFIRLIT

Góð aðkoma er að húsinu með stóru steyptu bílastæði, sem nær undir húsið með mjög góðu skjóli fyrir veðri og vindum fyrir tvo bíla, og tröppum upp á aðalhæð hússins. Utanhússklæðningar hússins setja mikinn svip á aðkomuna, en hvítir veggir, timburklæðning og glæsilegar náttúrulegar steinflísar eru nýttar til að skapa glæsilega heildarmynd. Timbur og steinflísar eru á veggjum við glæsilega yfirbyggða 65 fermetra suðurverönd til vinstri við inngang, þar sem er vönduð innbyggð grillaðstaða og glæslegur útiarin, en steinflísarnar flæða inn í forstofu hússins og eftir gangi þar sem veggir eru flísalagðir þvert í gegnum húsið, og tengja þannig saman innra og ytra rými. Snyrting er til vinstri úr forstofu.
Hægra megin við fyrrgreindan gang er hjónasvíta hússins, fataherbergi, stórt baðherbergi og skrifstofa með gluggum í átt að baklóð. Í enda gangsins er gengið niður á neðri palla hússins.
Til vinstri frá ganginum er stórglæsilegt alrými hússins, eldhús, borðstofa og setustofa. Gólfsíðir gluggar eru á öllum suðurvegg rýmisins, í átt að stórglæsilegum yfirbyggðum sólpalli þar sem er vönduð grillaðstaða og glæslegur útiarin.
Í enda alrýmisins er gengið niður á neðri palla hússins, en hálf hæð er niður á aftari pall hússins. Rýmið sem stiginn er í er sérlega eftirtektarvert, mikil lofthæð, lýsing, stór gluggi og dyr að baklóð, glæsilegar bókahillur úr járni.
Á aftari palli er gangur sem gengur þvert á fyrrnefndan gang með steinflísum, en við ganginn eru þrjú rúmgóð svefnherbergi öll með fataskápum og með gluggum að baklóð, ásamt baðherbergi í enda gangsins, en svefnherbergisgangurinn endar við áðurnefndan gang með steinflísum á veggjum þannig að hægt er að fara hring í húsinu. Úr baðherberginu eru dyr út á baklóð að mjög snyrtilegu útisvæði með saltvatnspotti og kaldavatnspotti. Dyrnar inná baðherbergið eru eftirtektarverðar, úr svörtu járni sem kallast á við handrið, hillur og stálbita í stofulofti. Forstofudyr eru einnig úr svörtu járni ásamt gleri.
Neðsti pallur hússins er undir stofurýminu með gluggum og dyrum að framlóð hússins. Eitt stórt svefnherbergi er á neðsta palli, stórt fjölskyldu/sjónvarpsrými með skrifborðum og vinnuaðstöðu sem að sögn eigenda nýtist afar vel, baðherbergi, vinnuaðstaða með sérinngangi, annar inngangur með rúmgóðri forstofu og bílskúr með geymslu innaf. Verönd og gervigrasflöt eru utan neðri hæðar, milli hússins og veggs á lóðarmörkum, og myndar fjölskyldurýmið og veröndin mjög vistlegt og skemmtilegt rými.
Hönnun hússins er afar áhugaverð, en fyrrnefndur gangur sem klæddur er steinflísum tengir saman inngang hússins við svefnherbergisgang hússins. Yfir ganginum eru þakgluggar og er þess vegna birtan í ganginum eins og maður væri enn utanhúss. Þessir tveir gangar tengja saman öll rými hússins en um leið má fá gott næði hvar sem er í húsinu.
Á gólfum eru steinflísar og niðurlímt parket. Hiti er í öllum gólfum. Á verönd eru flísar og gólfborð.

Húsið er vel búið og vel umgengið, og hefur að því er séð verður notið góðrar umhirðu núverandi eiganda. Stórglæsileg frábærlega hönnuð og vönduð eign sem nauðsynlegt er að skoða. 

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.

Eignamiðlun fasteignasala | Grensásvegi 11 | 108 Reykjavík | Sími 588 9090 | www.eignamidlun.is

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook