Vel skipulagðar og vel staðsettar 2ja - 4ra herbergja íbúðir á Nýbýlavegi 10 í nýju sex hæða fjölbýlishúsi með bílakjallara.

Lyftur eru í húsinu og stæði í bílageymslu fylgir öllum íbúðum. Sameignarrými eru flest í kjallara og á 1. hæð er efri bílageymsla ásamt verslun.

Frábær staðsetning og öll þjónusta rétt innan seilingar. Í götunni er að finna Bónus, bakarí, veitingastaði og apótek. Þá eru samgöngutengingar góðar og stutt í ýmsa útivistarmöguleika s.s. Fossvogsdal, Öskjuhlíð og Nauthólsvík. Heilsugæslan, Tónlistarhús Kópavogs og Gerðarsafn ásamt annari þjónustu í Hamraborg er í göngufæri.

Íbúðirnar afhendast í mars 2021 eða eftir nánari samkomulagi.

Glæsilegar og vandaðar íbúðir eru nú til sölu á Hlíðarenda við rætur Öskjuhlíðar í Reykjavík. Frábær staðsetning nálægt miðpunkti miðbæjarins í glænýju póstnúmeri, 102 Reykjavík. Stutt er í alla helstu þjónustu, frábærar gönguleiðir, íþróttir, samgöngur, iðandi mannlíf, skóla og stóra vinnustaði.

Húsin eru hönnuð af Alark arkitektum og innanhússhönnun var í höndum M/STUDIO Reykjavík þar sem mikið var lagt upp úr gæða efnisvali og góðum lausnum. Innréttingar eru frá danska fyrirtækinu JKE þar sem framleiðslan er einstaklega vönduð og fer auk þess öll fram í Danmörku. Innréttingarnar ná allar upp í loft til þess að hámarka geymslurými íbúðanna. Efnið í innréttingunum er annars vegar ekta eikarspónn og hins vegar PU-lakk, sem er það sterkasta á markaðnum í dag.

Frábærlega staðsettar íbúðir í miðborg Reykjavíkur. Öllum íbúðum fylgja stæði í bílakjallara.

Í húsinu eru 70 fallegar og vel hannaðar 2-4ra herbergja íbúðir. Skjólgóður inngarður og gönguleiðir eru hannaður af landslagsarkitekt hússins. Húsið er hluti af heildaruppbyggingu á hluta Baróns- og Laugavegsreit með nýjum göngustígum, uppgerðum eldri húsum auk nýbygginga. Fyrirhugaðar eru listskreytingar á svæðinu í samvinnu við Reykjavíkurborg. Hverfið liggur ákaflega vel við samgöngum og styður vel við bíllausan lífsstíl fyrir þá sem það kjósa.

Í húsinu eru tvær kjallarahæðir með bílastæðum og geymslum. Tvö stigahús með lyftum eru í húsinu. Innkeyrsla í bílakjallara verður um inngötu frá Vitastíg og verður að hluta samnýtt með bílakjallara Skúlagötu 30. Inngangur í stigahús verður frá Hverfisgötu.

Burðarvirki hússins er steinsteypt, veggir einangraðir að utan og klæddir með álplötum, steyptum plötum og viðarklæðningu. Hluti jarðhæðar og kjallara er einangraður að innan og múrhúðaður.

Fjölbýlishúsin Urriðaholtsstræti 14-16 og 18-20 eru með samtals 38 íbúðum í 2 byggingum, samtals 19 íbúðir í hvorri byggingu. Byggingarnar eru tengdar saman með bílageymslu fyrir 28 bíla neðanjarðar.

Íbúðum undir 90 fm., fylgja ekki stæði í bílageymslu en eitt stæði fylgir hverri íbúð sem er stærri en 90 fm. Á jarðhæð eignarinnar er atvinnuhúsnæði, nánar tiltekið 2 rými í húsi nr. 14-16 og þrjú rými í húsi nr. 18-20.

Hús nr. 14-16 er 5 til 6 hæðir með tveim stigahúsum. Hús nr. 18-20 er 4 til 5 hæðir með tveim stigahúsum. Í kjallara undir og á milli húsanna eru geymslur sem fylgja íbúðum. Sameiginleg hjóla- og vagnageymsla. Lóð og

garði verður skilað fullfrágengnum en án leiktækja. 

Urriðaholt er nýtt hverfi í Garðabæ sem er í náinni tengingu við nokkur helstu útivistarsvæði höfuðborgarsvæðisins. Hverfið byggir á hugsjón um að íbúðabyggð eigi að búa við sátt við náttúruna í kring og umhverfið allt. Skipulag Urriðaholts er fyrsta hverfið hér á landi til að hljóta vistvottun samkvæmt vottunarkerfi BREEAM Communities.

Sjá nánari upplýsingar um hverfið á vefsíðunni www.urridaholt.is.

Edenbyggð er nýtt íbúðahverfi við göturnar Aldinmörk og Edenmörk í Hveragerði. Hverfið er skipulagt með framtíðina í huga — frábæra tengingu við göngustíga og þægilega aðkomu að bílastæðum með hleðslumöguleikum fyrir rafbíla. Miðsvæðis er leiksvæði og sælureitur með litlum gróðurhúsum sem íbúar geta fengið að njóta góðs af.

Alls verða 77 íbúðir í hverfinu en í fyrsta áfanga verða 25 íbúðir afhentar: 63–80 fm að stærð; tveggja, þriggja og fjögurra herbergja. Verð frá 28,9 millj. kr. Áætlaður afhendingartími er frá júlí 2019. Íbúðum verður skilað fullbúnum en án gólfefna.

Í Efstaleitinu rís nútímalegt íbúðahverfi á einum besta stað í borginni. Efstaleitið er sannkallað miðborgarhverfi í göngufæri við helstu verslunar- og þjónustukjarna borgarinnar og falleg útivistarsvæði.

Stærð íbúða frá 35,3 fm uppí 160 fm, fjölbreytt úrval íbúða, flestar íbúðir með stæði í bílageymslu, vandaðar og nútímalegar íbúðir.

Við Efstaleitið verður einnig verslunar- og þjónustukjarni sem ætlað er að bæta þjónustu við íbúa og skapa notalegt andrúmsloft.

Áætluð afhending fyrstu íbúða í er vor/sumar 2019.

Mannverk ehf byggir 34 íbúðir í níu hæða fjölbýlishúsi að Pósthússtræti 5 í Reykjanesbæ. Húsið hefur einn megin inngang með tveimur lyftum. Íbúðirnar eru 2ja-4ra herbergja og birt stærða þeirra er um 70-158 fm auk geymslna. Íbúðum fylgja svalir en á jarðhæð aðgangsmegin er sérafnotareitur. Íbúðirnar verða afhentar án megin gólfefna en baðherbergis og þvottahúsgólf verða flísalögð. Innangengt er úr bílageymslu um stigahús og lyftu. Allar íbúðir eru með sjávarútsýni.

Póshússtræti 5 stendur á fallegum stað við sjóinn og er einstaklega vel staðsett með tilliti til aðgengis að verslun, þjónustu og samgönguleiðum. Örstutt er í Strandleiðin sem er 10 kílómetra hjóla- og gönguleið meðfram ströndinni.

Í fersku sjávarlofti við strandlengju Keflavíkur bjóðum við glæsilegt húsnæði, aðeins spottakorn frá helstu þjónustu- og verslunarkjörnum bæjarins. Íbúðirnar eru hannaðar svo njóta megi sem best ánægjunnar af útsýninu; með seiðandi hafið í göngufæri.

Húsin standa á jaðri strandlengjunnar með óspillt útsýni yfir hafið. Þau falla vel að umhverfinu enda var þess vandlega gætt að sjávarsýn og fegurð umhverfisins fengju að njóta sín sem best. Íbúðirnar fara í sölu sumar 2020 og verða tilbúnar til afhendingar okt/nóv 2020.

Bríetartún 9–11 er 94 íbúða fjölbýlishús á sjö og tólf hæðum. Verslunar- og þjónusturými eru á jarðhæð og íbúðir á hæðum 1–12. Í húsinu eru tvö stiga- og lyftuhús með tveimur lyftum í hvoru lyftuhúsi. Þar af er ein bruna­ og öryggislyfta. Í kjallara eru geymslur og sameiginleg rými, þ.m.t. hjóla­ og vagnageymsla, tæknirými, lagerrými fyrir verslun og þjónustu og 17 lokaðir einkabílskúrar.

Bílakjallari hússins er samtengdur öðrum húsum við Höfðatorg. Úr bílakjallara er innangengt í kjallara hússins. Gert er ráð fyrir samnýtingu bílastæða í bílakjallara. Rekstrarfélag um bílakjallara sér um viðhald, endurbætur og rekstur bílakjallarans. 

Bílastæði verða ekki seld með íbúðunum en kaupendur íbúða munu geta tryggt sér afnotarétt af bílastæði í bílakjallaranum gegn gjaldi. Auk þess eru 17 lokaðir einkabílskúrar í kjallara hússins og tilheyrir sérhverjum bílskúr sérafnotaréttur af bílastæði fyrir framan viðkomandi bílskúr.