Opið hús: 13. maí 2024 kl. 17:30 til 18:00.

Eignamiðlun kynnir:

OPIÐ HÚS MÁNUDAGINN 13. MAÍ KL. 17.30 - 18.00

Einstaklega glæsilegt og vandað um 300m2 raðhús með innbyggðum bílskúr á besta stað í Vesturbænum. Miklar endurbætur hafa verið unnar á húsinu bæði að innan og utan og var engu til sparað. Veglegt plankaparket á gólfum og sérsmíðaðar innréttingar og hurðir frá Smíðaþjónustunni. Smekklega hönnuð lýsing er í öllum rýmum. Garður er skjólgóður og sólríkur með miklum pöllum. Stutt er í alla þjónustu og afþreyingu á svæðinu og er þetta afar hentug eign fyrir fjölskyldufólk. Eign sem vert er að mæla með.

**Sækja söluyfirlit**

Nánari lýsing:
Jarðhæð:
Komið er inn í anddyri sem er opið inn í stórt og bjart alrými. Falleg sérsmíðuð eldhúsinnrétting með innbyggðri uppþvottavél, tvöföldum ísskáp og stein á borði. Eldhús er opið inn í rúmgóða stofu og borðstofu. Í stofum eru sérsmíðaðir skápar, arinn og stórir gluggar til vesturs. Gengið er úr stofu á sólríkan, fallegan pall með innbyggðri lýsingu. Gestasalerni er á hæðinni ásamt bílskúr og fataherbergi sem tekið var af bílskúr. Steinsteyptur stigi er á milli hæða.

Efri hæð:
Á efri hæð er opið hol, þrjú svefnherbergi, stórt baðherbergi og þvottahús. Hjónaherbergi er rúmgott með fataherbergi og útgengi á stórar austursvalir. Baðherbergi er með fallegum innréttingum, sturtu og baðkari. Baðherbergi er flísalagt í hólf og gólf. Tvö rúmgóð barnaherbergi með góðum skápum og er útgengi á vestursvalir úr öðru þeirra. Þvottahús er á hæðinni með góðri innréttingu.

Ris:
Uppi í risi er óskráð rými sem nýtt er sem sjónvarpsherbergi/leikherbergi og er það með góðum geymslum og þakgluggum.

Kjallari:
Í kjallara er stórt unglingaherbergi/hobbýherbergi sem auðvelt er að skipta upp í tvö góð herbergi. Glæsilegt baðherbergi með sturtu og fallegum innréttingum. Þvottavél og þurrkara hefur verið komið smekklega fyrir í lokaðri innréttingu. Lítil geymsla er inn af baðherbergi. Tvær góðar geymslur með góðri loftun eru einnig í kjallara og hefur önnur þeirra verið nýtt sem sjónvarpsherbergi.

Vandað plankaparket úr eik er á öllum gólfum nema votrýmum en þar eru fallegar flísar. Allar innréttingar og hurðar eru sérsmíðaðar af Smíðaþjónustunni ehf. sem hafði umsjón með endurbyggingu á húsinu að innan. Hiti er í bílaplani.

Síðan árið 2006 hafa farið fram miklar endurbætur á húsinu bæði að innan og utan:

2006 var garðurinn endurnýjaður sem og pallurinn vestan megin við húsið. 

2010 var eldhúsið endurnýjað alveg frá grunni og parket á þeirri hæð og stiga endurnýjað.

2012 var allur kjallari endurnýjaður með baðherbergi og gólfefnum, auk þess sem breyting var gerð á bílskúrnum og forstofan útbúin með skápum og hirslum. Einnig var nýtt gólfefni sett á bílskúrinn og gestasalerni endurnýjað. Öflug loftræsting var sett í húsið. 

2016 var skipt um alla glugga í húsinu, hurðar, bílskúrshurð og alla klæðningu að utan ásamt timbri og pappa á þaki og veggjum að utanverðu. Efri hæðin var öll endurnýjuð að innan, þar með talin öll einangrun. Efri hæð og ris voru endurbyggð að innan frá grunni, nýjar raflagnir, pípulagnir, lýsing, innréttingar og gólfefni. Nýtt sérsmíðað handrið úr húðuðu stáli á móti öryggisgleri. Loft á neðri hæð endurnýjað ásamt rafmagni með nýrri lýsingu í stofu, borðstofu, anddyri og borðkrók. Húsið var málað og steypuviðgert á sama tíma. Loftræsting var sett upp frá baði og þvottahúsi á efri hæð. 

Nánari upplýsingar:
Lilja Guðmundsdóttir löggiltur fasteignasali s. 649-3868 eða [email protected]

 

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook