Opið hús: 19. september 2024 kl. 17:00 til 18:00.

Opið hús: Kambsvegur 30, 104 Reykjavík. Eignin verður sýnd fimmtudaginn 19. september 2024 milli kl. 17:00 og kl. 18:00.

Eignamiðlun kynnir:

Einstaklega falleg 152,2 fermetra efri hæð með sérinngangi í tvíbýli. Íbúðin sjálf er 124,2 fermetrar með aukinni lofthæð, og hefur verið gagngert endurnýjuð á síðustu árum með nýju gólfefni, endurnýjuðum raflögnum með nýjum rofum, dimmerum og innstungum, og nýlegu eldhúsi með nýjum tækjum. Inn af eldhúsi er þvottahús með nýrri innréttingu og þar innaf er geymsla. Svefnherbergin eru þrjú, stofan er rúmgóð og björt og tengd við borðstofu og eldhús sem eru í einu rúmgóðu rými. Stórt bílastæði framan við 28 fermetra bílskúr sem var endurnýjaður að innan fyrir tveimur árum, múraður og sett ný hurð með opnara. Húsið hefur verið gagngert endurnýjað að utan á síðustu tveimur árum, allir gluggar endurnýjaðir og húsið endurmúrað og málað. Skipt var um þak fyrir c.a. 8 árum. Frábær staðsetning, rétt við Laugardalinn. Eign í sérflokki.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða [email protected] sem einnig sýnir eignina.
SMELLIÐ HÉR TIL AÐ FÁ SÖLUYFIRLIT

Húsið stendur á rólegum stað á horni Kambsvegar og Hólsvegar, en keyrt er inn á bílastæði hússins frá Hólsvegi. Sér inngangur er að íbúðinni á jarðhæð, en komið er inn í endurnýjaðan stigagang þar sem er forstofa og stigi upp á hæðina. Flísar eru í forstofunni og mögulegt að hafa þar fatahengi, en stiginn er með nýju teppi og glerhandriðum. Stiginn liggur upp á rúmgóðan stigapall þar sem stór gluggi veitir mikilli birtu inn í rýmið. Til hægri á stigapalli er hurð með gleri inn í íbúðina.

Íbúðin hefur verið endurnýjuð með afar smekklegum hætti. Aukin lofthæð er í íbúðinni, sem gefur tilfinningu fyrir miklu rými. Á öllum gólfum er sérlega fallegt viðarparket með löngum breiðum borðum.

Þegar komið er inn af stigapalli inn í íbúðina er hol þar sem eru svefnherbergi á sér gangi til vinstri. Stofan er beint framundan og eldhús/borðstofa til hægri, en opið er á milli þessara rýma.

Borðstofurýmið er rúmgott og bjart, enda hafa eldhús og borðstofa verið sameinuð í eitt opið rými og glæsileg eldhúsinnrétting sett á tvo veggi. Vönduð steinplata er á eldhúsbekknum og undirlímdur vaskur, nýr bakaraofn og nýtt helluborð. Tveir stórir gluggar eru á sitt hvorum vegg, sem gerir borstofuna mjög bjarta og vistlega. Til hægri þegar komið er inn í eldhúsrýmið eru dyr að rúmgóðu þvottahúsi með nýjum innréttingum og með geymslu innaf, nýr gólfdúkur á gólfum í þvottahúsi og geymslu.
Opið er milli stofu og borðstofu, en stofan er með stórum björtum gluggum í tvær áttir, auk þess sem birta flæðir frá borðstofu að stofu. Vegna halla á þaki hússins er meiri lofthæð í stofu. Stórar svalir með nýjum flísum á gólfi eru út frá stofu næst borðstofu, nægt pláss fyrir grill og stóla.

Svefnherbergin eru þrjú, tvö á sér gangi þar sem einnig er baðherbergi. Herbergin eru rúmgóð og björt og á ganginum er stór vandaður fataskápur. Baðherbergi var endurnýjað af fyrri eigendum en núverandi eigendur hafa sett nýjan vask með skáp undir og nýjan speglaskáp ofan við vaskinn. Einnig ný blöndunartæki við bað og ný innfelld ljós í loft.

Eignin er sérlega falleg og þær breytingar sem gerðar hafa verið koma vel út. Allar raflagnir eru nýjar og tenglar og rofar hafa verið endurnýjaðir með nýjum dimmerum. Samhliða endurnýjun raflagna voru settar mjög smekklegar kastarabrautir frá S.Guðjónsson í stofu og eldhús. Sér inngangur er í eignina, sér hitamælir, og engin sameign. Ekki er rekið húsfélag í húsinu en mjög gott samstarf hefur verið um endurbætur hússins. Bílskúrinn er 28 fermetra, ný einangraður og múraður að innan, með vatni og nýjum raflögnum. Bílhleðsla fylgir. Nýlegur þakdúkur er á skúrnum.

Að utan hafa gagngerar breytingar verið gerðar á húsinu á síðustu tveimur árum. Allir gluggar í húsinu hafa verið endurnýjaðir ásamt endurnýjun á múrkápu og málun. Húsið lítur afar vel út.

Sérlega björt og falleg eign, mikið endurnýjuð. Sjón er sögu ríkari.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.

Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupandendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.

Eignamiðlun fasteignasala | Grensásvegur 11 | 108 Reykjavík | Sími 588 9090 |www.eignamidlun.is
 

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook