Eignamiðlun kynnir:

Mjög fallegt og vandað 277,1 fm einbýlishús með bílskúr við Lækjarhjalla 22 í suðurhlíðum Kópavogs. Húsið sem er á tveimur hæðum er einstaklega vel staðsett en það er innst í botnlangagötu og vestan við húsið er opið svæði. Stór skjólsæll gróinn garður til suðurs. Arkitekt hússins er Benjamín Magnússon. Mjög mikil lofthæð er á efri hæð hússins og þakgluggar. Samkvæmt Fasteignayfirliti er húsið skráð 277,1 fm en þar af er bílskúrinn skráður 28,2 fm. Hluti af rými á neðri hæð hússins er gluggalaus. Til eru teikningar frá árinu 2003 frá sama arkitekt sem gera ráð fyrir að settir séu gluggar og dyr á rýmið.*

Nánari uppl. veita: Magnea S. Sverrisdóttir lg. fasteignasali s. 861 8511, [email protected] og Sverrir Kristinsson lg.fs, [email protected]

Nánari lýsing:
Efri hæð:
Forstofa: Komið er inn í rúmgóða flísalagða forstofu með fatahengi.
Snyrting: Innaf forstofu er flísalögð snyrting með glugga.
Gangur: Frá forstofu er komið inn á gang. Gólf er flísalagt. Mjög mikil lofthæð er á gangi og þakgluggar. 
Eldhús: Rúmgott eldhús með fallegri sérsmíðaðri viðarinnréttingu. Borðplata er úr granít. Ofn og háfur úr stáli. Áfast lítið eldhúsborð.
Stofa: Gengið er niður nokkur þrep í stofuna. Fallegur horngluggi í stofu. Gólf í stofu er málað. Gengið er út í garð úr stofu.
Borðstofa: Gengið er í borðstofu frá gangi og eldhúsi. Gólf er flísalagt. Hægt er að ganga út í garð úr borðstofu.
Herbergi: Mjög rúmgott flísalagt herbergi með fallegum bogadregnum glugga. Herbergið getur nýst sem vinnuherbergi og/eða svefnherbergi.

Neðri hæð:
Hol/gangur: Steyptur flísalagður stigi er á milli hæða. Komið er í flísalagt hol. Gengið er út í garð frá gangi.
Baðherbergi: Baðherbergi er flísalagt, var yfirfarið og standsett fyrir fjórum árum síðan. Baðkar og sturta. Innrétting með granítborðplötu.
Herbergi I: Rúmgott hjónaherbergi með skápum. Linoleum dúkur á gófi. Stór gluggi að garði. 
Herbergi II: Bjart og fallegt herbergi sem hægt er að nýta sem vinnuherbergi eða svefnherbergi. Linoleum dúkur á gólfi.
Tómstundaherbergi/fataherberg: Rúmgott rými sem er nýtt sem tómstundaherbergi, fataherbergi og geymsla. Rýmið er gluggalaust en á samþykktri teikningu er gert ráð fyrir gluggum. Linoleum dúkur á gófi. 
Vinnustúdíó: Rúmgott rými sem er nýtt sem vinnustúdíó listamanns í dag. Gengið er niður nokkur þrep í rýmið en það er undir stofu á efri hæð. Rýmið er gluggalaust en á samþykktri teikningu er gert ráð fyrir gluggum og hurð út í garðinn. Linoleum dúkur á gólfi.
Þvottahús: Rúmgott þvottahús með góðri vinnuaðstöðu. Gólf er málað.

Bílskúr: 28,1 fm rúmgóður bílskúr með góðri lofthæð. Innangengt er í bílskúrinn frá gangi á efri hæð hússins. Sjálfvirkur hurðaopnari. Hiti er í hluta af bílaplani.

Mjög falleg og vönduð eign á eftirsóttum stað.





 

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook