Eignamiðlun kynnir:

TIL AFHENDINGAR STRAX  Björt og vel skipulögð 3-4 herbergja á 2. hæð í Stóragerði 8, 108 Reykjavík. Útsýni, tvö svefnherbergi en teikning gerir ráð fyrir þremur, snyrtileg sameign og bílskúr. Húsinu hefur verið vel við haldið. Stutt er í helstu þjónustu. Leikskóli, grunnskóli, framhaldsskóli og verslanir eru í göngufæri.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða [email protected] sem einnig sýnir eignina. Til að undirbúa kauptilboð þá er skynsamlegt að fá söluverðmat á þinni eign, þér að kostnaðarlausu. Hringið og ræðið málið í síma 663-2508.

Eignin er skráð samkvæmt Þjóðskrá 116,7 fm, sem skiptist í 95,8 fermetra íbúð og 20,9 fermetra bílskúr. Geymsla fylgir í kjallara en einnig er lítil geymsla innan íbúðar.
Aðkoma hússins og stigagangur er snyrtilegt og vel um gengið. Komið er einn í hol eða gang íbúðar, þar sem stofur og eldhús eru til hægri og svefnherbergi ásamt baðherbergi til vinstri. Flísar eru á holinu, stór fataskápur við inngang og annar við svefnherbergi.
Stofur eru stórar og bjartar, gluggar til suðurs ásamt mjög notalegum svölum. Nýlegt parket er á stofum. Eldhús hefur verið endurnýjað fyrir nokkrum árum með vönduðum hætt, stór ljós viðarinnrétting með svörtum flísum á milli skápa, svört borðplata, gaseldavél og falleg stálvifta yfir eldavélinni. Vandaður bakarofn og innbyggður örbylgjuofn. Flísar á gólfi.
Svefnherbergin eru tvö, rúmgott barnarnaherbergi og stórt hjónaherbergi með fataskáp á heilum vegg og svölum. Fataskápur er í holi utan herbergja.
Baðherbergið er smekklega endurnýja, vegghengt salerni, sturtuklefi, innrétting undir vaski, flísar og mósaik á veggjum, flísar á gólfi, sér rými fyrir þvottavél og þurrkara sem er haganlega fyrir komið.
Bílskúr er með rafmagni, hita og vatni. Rafknúin bílskúrshurð.
Húsið: Að sögn eiganda hefur sameignin hefur verið vel við haldið undanfarin ár, m.a. hefur húsið verið steinað,  gluggar og gler skipt út eftir þörfum, þakjárn endurnýjað fyrir um ca 15 árum, skolplagnir yfirfarnar og fóðraðar fyrir nokkrum árum. 
Íbúðin er til afhendingar strax; bílskúr afhendist fjórum vikum eftir afhendingu eignar.

Vel skipulögð eign sem gefur mikla möguleika.
Fasteignamat næsta árs er 73.050.000,-

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.
Eignamiðlun fasteignasala | Grensásvegur 11 | 108 Reykjavík | Sími 588 9090 | www.eignamidlun.is

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook