Eignamiðlun kynnir:

Eignamiðlun og Þóra Birgisdóttir lögg. fasteignsali kynna einstaka eign til sölu við Víðimel 55, reisulegu húsi í hjarta vesturbæjarins.
Um er að ræða íbúð á tveimur hæðum í steyptu húsi frá 1945. Eignin er skráð 172,3 fm. skv. fasteignaskrá HMS.
 Eignin skiptist í : forstofu, hol, eldhús, 3 stofur, 2 baðherbergi, 4 svefnherbergi, þvottahús, geymsluris, þrennar svalir, þar af einar stórar þaksvalir með heitum potti og frábæru útsýni til suðurs og vesturs.
Smelltu hér til að sækja söluyfirlit.
Nánari lýsing eignarinnar:
Komið er inn í forstofu/hol íbúðar sem opnast inn í alrými á aðalhæðinni með rúmgóðu eldhúsi, 2 stofum, baðherbergi, holi og stigagangi upp á efri hæðina.
Eldhúsið er uppgert með fallegri dökkri innréttingu með góðu skápa- og bekkplássi, veglegri gaseldavél og innbyggðum ísskáp og uppþvottavél. Stór gluggi á eldhúsi og hurð út á suðursvalir frá þessu rými tryggja góða birtu og skemmtilegt flæði en rúmgóður aðstaða er fyrir borð í eldhúsinu.
Stofurnar eru 3 skv. grunnskipulagi, einni þeirra hefur verið lokað af með léttum vegg að hluta og rennihurð og er nýtt sem stórt herbergi (fimmta herbergið í íbúðinni). Setustofa og borðstofa flæða saman með gluggum á suður og vesturhlið með góðri birtu, gengið er út á svalir mót s-vestri frá annari stofunni. Þessi rými eru öll björt og rúmgóð og bjóða upp á ýmsa nýtingamöguleika.
Baðherbergi er nýlega uppgert á smekklegan hátt, upphengt salerni, góður sturtuklefi og glæsileg koðarklæðning sem setur sterkan og hlýlegan svip á rýmið.
Stigi milli hæðanna er veglegur timburstigi sem lokar ekki fyrir birtuflæði frá glugganum.
Á efri hæðinni eru 4 svefnherbergi, eitt þeirra er sýnu stærst og þaðan er gengið út á þaksvalir sem eru með einstöku útsýni yfir vesturbæinn og út á sjó, þar eru heitur pottur sem býður upp á gæðastundir með fallegu útsýni.
Baðherbergi á efri hæðinni er nett, flísalagt með salerni, handlaug og sturtuklefa og aðstöðu fyrir þvottavél og þurrkara.
Efri hæðin er þannig að auðvelt er að breyta skipulagi og opna frekar t.d. stærsta herbergið og auka aðgang að svölum.
Þetta er einstaklega glæsileg íbúð í reisulegu húsi sem heilt yfir er í góðu ástandi. Búið er að skipta um glugga/gler að mestu, endurnýja járn á þaki og mála slétta fleti hússins.
Eignin hefur verið í útleigu undanfarið og gefur möguleika á góðum leigutekjum.
Nánari upplýsingar veitir Þóra Birgisdóttir Lögg. fasteignasali, í síma 7772882, tölvupóstur [email protected] eða skrifstofa Eignamiðlunar í síma 588-9090

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook