Guðrúnargata 5, 105 Reykjavík (Austurbær)

84.900.000 kr.
  • Tegund Hæð
  • Stærð 109 m2
  • Herbergi 4
  • Stofur 2
  • Svefnherbergi 2
  • Baðherbergi 1
  • Inngangur Sameiginlegur
  • Byggingaár 1942
  • Lyfta Nei
  • Brunabótamat 42.500.000
  • Fasteignamat 55.900.000
  • Áhvílandi 0
Opið hús: 10. ágúst 2022 kl. 17:00 til 18:00.

Opið hús: Guðrúnargata 5, 105 Reykjavík, Íbúð merkt: 01 02 01. Eignin verður sýnd miðvikudaginn 10. ágúst 2022 milli kl. 17:00 og kl. 18:00. Ólafur H. Guðgeirsson, lgfs., sýnir eignina. Upplýsingar í síma 663-2508.

Eignamiðlun kynnir:

Sérlega vönduð og falleg 109,4 fermetra efri hæð í þríbýlishúsi við Guðrúnargötu. Eignin hefur fengið gott viðhald og verið mikið endurnýjuð. Svefnherbergin eru tvö til þrjú, stofur eru samliggjandi og mjög rúmgóðar með gluggum til suðurs og svölum frá setustofu, eldhús með stórri innréttingu og borðkrók. Geymsluloft yfir íbúð ásamt tilheyrandi byggingarrétti er þinglýst eign þessarar íbúðar þannig að mögulega má gera miklar breytingar á íbúðinni. Falleg eign, frábær staðsetning, íbúð sem býður upp á mikla möguleika. Eignin getur verið til afhendingar með stuttum fyrirvara.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða [email protected] sem einnig sýnir eignina. Til að undirbúa kauptilboð þá er skynsamlegt að fá söluverðmat á þinni eign, þér að kostnaðarlausu. Hringið og ræðið málið í síma 663-2508.

Húsið stendur fyrir miðri Guðrúnargötu þar sem skammt er yfir á Klambratún og miðbærinn í göngufæri. Húsið lítur vel út að utan, var viðgert og málað 2007 og virðist að því er séð verður hafa fengið gott viðhald.

Gengið er inn stétt að breiðum tröppum utan á húsinu, en stór lóð með góðri grasflöt er framan við húsið. Inngangur er sameiginlegur með neðri hæð hússins, en komið er inn í flísalagt anddyri þar sem er stigi upp í íbúðina, dyr sem liggja að sameign í kjallara og inngangur á fyrstu hæðina.
Fyrir ofan stigann er stigapallur þar sem hægt er að hafa fatahengi, skóhillur og  jafnvel geyma reiðhjól. Stór gluggi er við stigapallinn og er þess vegna mikil birta í stiga og á stigapalli. Teppi er á stiga og flísar á stigapalli. Á stigapallinu eru dyr inn í íbúðina, en einnig aðrar dyr sem liggja beint inn í herbergi sem er inn af stofu íbúðarinnar. Mögulega mætti nýta þetta herbergi sem unglingaherbergi með sérinngangi.
Á stigapalli er einnig lúga upp í risloftið, sem er í eigu íbúðarinnar. Risloftið er allt upprunalegt, þar með talið þakgluggar, en vel mætti sjá fyrir sér að hægt væri að bæta kvistum á þakið og nýta risloftið sem hluta af íbúðinni. Byggingarréttur er þinglýst eign íbúðarinnar en gæta þarf þess að fylgja öllum ferlum byggingaryfirvalda, þar á meðal hvað varðar samþykkt teikninga, fá samþykki nágranna og meðeigenda í húsinu og að byggingarleyfi sé gefið út áður en framkvæmdir hefjast.
Þegar gengið er inn í íbúðina er komið í rúmgott hol eða miðrými íbúðarinnar. Til vinstri úr holi er eldhús og bað, beint fram undan hjónaherbergi og dyr i stofu sem má nýta sem herbergi, en til hægri eru dyr í stofuna. Inn af stofu er herbergi mér sérinngangi af stigapalli.
Stofur eru bjartar og rúmgóðar, hjónaherbergi mjög rúmgott og herbergi innaf stofu með stórumglugga í horni. Gengið er út á svalir úr setustofu. Á holi, stofum og herbergjum er mjög fallegt massíft parket. Parketið er frá árinu 2002, en þá voru gólfin flotuð og settur niðurlímdur hljóðdúkur undir parketið. Á árinu 2002 voru einnig allar hurðir endurnýjaðar innan íbúðar og settar mjög vandaðar eikarhurðir með felliþröskuldum.
Eldhús er bjart og vistlegt, endurnýjað 2002 með nýjum skápum, granítborðplötum og flísum á gólfi. Tæki í eldhúsi hafa verið nýlega endurnýjuð og fylgja með eigninni, þar á meðal nýr bakarofn og ísskápur. Borðkrókur við glugga í eldhúsi. Baðherbergið var sömuleiðis endurnýjað 2002, flísalagt gólf og veggir, vegghengt salerni með innbyggðum vatnskassa, innréttingu við vask og sturtuklefa.
Í kjallara er sameiginlegt þvottahús og lítil geymsla.

Skólp og drenlagnir voru endurnýjaðar 2013 ásamt neysluvatnslögnum að hluta, garður hússins var endurgerður í heild sinni 2014 og skipt var um alla glugga, svaladyr íbúðar og útidyr sameignar í kjallara árið 2018. Þak var yfirfarið og málað, og þakrennur endurnýjaðar, fyrir um 15 árum. Niðurfallsrennur eru um 5 ára gamlar. Ljósleiðari kominn upp í íbúð. Raflangir ásamt tenglum og rofum voru endurnýjaðar fyrir um 20 árum, en rafmagn í sameign ásamt rafmagnstöflu hússins var að mestu endurnýjað fyrir um 15 árum.

Sérlega björt og falleg eign, vel staðsett. Miklir möguleikar.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.

Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupandendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.
Eignamiðlun fasteignasala | Grensásvegur 11 | 108 Reykjavík | Sími 588 9090 | www.eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook