Sæviðarsund 74, 104 Reykjavík (Vogar)

129.900.000 kr.
  • Tegund Raðhús
  • Stærð 286 m2
  • Herbergi 7
  • Stofur 2
  • Svefnherbergi 5
  • Baðherbergi 3
  • Inngangur Sér
  • Byggingaár 1968
  • Lyfta Nei
  • Brunabótamat 88.450.000
  • Fasteignamat 84.100.000
  • Áhvílandi 0

Eignamiðlun kynnir:

Einstaklega fallegt 286,7 fermetra raðhús á tveimur hæðum, frábærlega staðsett í botnlanga við Sæviðarsund þar sem er gott skjól og mikil veðursæld. Fimm svefnherbergi, stór sjónvarpsstofa og spa í kjallara. Sérlega bjart og vandað hús með „innigarði,“ hannað af Geirharði Þorsteinssyni arkitekt. Stór lóð sem nýtist mjög vel.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða olafur@eignamidlun.is sem einnig sýnir eignina. Til að undirbúa kauptilboð þá er skynsamlegt að fá söluverðmat á þinni eign, þér að kostnaðarlausu. Hringið og ræðið málið í 663-2508.


Húsið stendur á rólegum og veðursælum stað í botnlanga við Sæviðarsund, næst innsta hús í raðhúsalengju. Gott pláss er fyrir bíla framan við húsið, en einnig eru stæði innst í botnlanganum.

Gengið er inn í húsið um fallega upprunalega útidyrahurð. Í forstofu er gestasnyrting til hægri, forstofuherbergi til vinstri. Komið er inn í gang sem liggur annars vegar til hægri að eldhúsi og stofu, og hins vegar beint áfram að baðherbergi og svefnherbergjum. Á gangi að svefnherbergjum er einnig stigi niður á neðri hæð hússins. Fataskápur er á vinstri hönd þegar komið er inn úr forstofu.

Efri hæð hússins er byggð utan um hellulagðan innigarð eða verönd, sem gerir hönnun hússins einstaka og tryggir mikla birtu í öllum rýmum efri hæðar. Gólfsíðir gluggar eru úr eldhúsi og stofu að garðinum, sem gerir rýmin sérlega björt og vistleg. Eldhús er auk þess með gluggum í átt að framhlið hússin og stofa með gólfsíðum gluggum til suðurs í átt að garði.
Auk þess að veita mikilli birtu inn í húsið, þá er þessi aflokaða verönd skjólgóður griðastaður undir beru lofti allan ársins hring, og gerir hönnun hússins einstaka. Gengið er út á veröndina frá borðstofurými.

Seljendur endurgerðu eldhúsið árið 2005 og opnuðu það, þannig að eldhúsið, innigarðurinn borðstofa og stofa tengjast með garðinn sem miðpunkt, en gólfsíðir gluggarnir veita mikilli birtu frá garðinum inn í rýmin. Einstaklega vistlegt og fallegt. Eldhúsinnrétting er mjög rúmgóð og vönduð, með steinplötu kringum eldavél og viðarborðplötu að hluta.

Allir gluggar eru úr tekki, sem setur mikinn svip á gluggana, en gler hefur verið endurnýjað í mörgum þeirra. Parket er á öllum gólfum efri hæðar.

Á svefnherbergisgangi er baðherbergi með sturtu, sem var endurnýjað 2019. Hjónaherbergi og tvö svefnherbergi eru á ganginum. Skápar eru í öllum herbergjum en eitt þeirra er í dag notað sem fataherbergi. Herbergin eru öll björt og vistleg, með stórum gluggum til suðurs í átt að garði.

Tveir stigar eru milli aðalhæðar og jarðhæðar, annar á svefnherbergjagangi og hinn hringstigi úr stofu niður í sjónvarpsstofu neðri hæðar. Á neðri hæð er auk sjónvarpsstofunnar stórt og rúmgott herbergi sem nýtt er sem unglingaherbergi, rúmgott þvottahús þar sem einnig er eldunaraðstaða, geymslur og sérlega skemmtilegt spa-rými þar sem er sána, sturta og snyrtiaðstaða.

Húsið hefur að sögn eigenda fengið gott viðhald undanfarin ár:
  • Spa-rýmið var endurnýjað frá grunni árið 2020, að frátöldum sána-klefanum. Skipt var um allar lagnir fyrir sturtu og klósett, skipt um hreinlætistæki og settur nýr sturtuklefi, ásamt nýjum flísum á gólf og veggi. Raflagnir í rýminu voru einnig endurnýjaðar.
  • Samhliða endurnýjun eldhúss 2005 voru allar raflagnir í eldhúsi endurnýjaðar. Nýr Sarnafil þakdúkur var settur á húsið 2006.
  • Frárennslislagnir húsanna hafa verið myndaðar reglulega, síðast á árinu 2020 fyrir alla lengjuna og hvert hús fyrir sig, og komu ekki fram skemmdir á lögnunum við þá skoðun. Skólp og vatnslagnir í og frá baðherbergi efri hæðar, ásamt raflögnum í rýminu, voru endurnýjaðar á árinu 2019 þegar baðið var endurgert.
  • Húsið er hitað með lofthitakerfi, en skipt var um hitaelement í kerfinu nýlega og raflagnir kringum stjórnbúnað endurnýjaðar. Skipt er um síur í kerfinu á sex mánaða fresti með einfaldri aðgerð.
  • Vel er hugsað um sameiginlega lóð húsanna en mikið rými er í garði hússins og á sameiginlegri lóð við báða enda lengjunnar. Lengjan er með sameiginlega garðhirðu á sumrin, reglulegan slátt og trjáklippingar. Sameiginlegt trampólín er í eigu lengjunnar og staðsett í garði við innri enda húsanna, en þar eru húsin einnig með matjurtagarða. Sömuleiðis er lengjan með sameiginlega flokkunargáma sem er snyrtilega fyrir komið í skýli við fremri enda húsanna.

Hér er um að ræða mjög áhugaverða og fallega eign, vel staðsett í skjólsælu umhverfi. Gott samstarf og umhirða einkennir húsin og lóðina.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.

Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.

Eignamiðlun fasteignasala | Grensásvegi 11 | 108 Reykjavík | Sími 588 9090 | www.eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 mánudaga til fimmtudaga og 9-16 á föstudögum

Heimasíða Eignamiðlunar

Eignamiðlun á Facebook


Villa kom upp: (144) Table './webedpro/Counter' is marked as crashed and last (automatic?) repair failed