Barðastaðir 7, 112 Reykjavík (Grafarvogur)

89.800.000 kr.
  • Tegund Fjölbýli
  • Stærð 162 m2
  • Herbergi 5
  • Stofur 2
  • Svefnherbergi 3
  • Baðherbergi 2
  • Inngangur Sameiginlegur
  • Byggingaár 2000
  • Lyfta
  • Brunabótamat 51.200.000
  • Fasteignamat 60.750.000
  • Áhvílandi 0

Eignamiðlun kynnir:

Eignamiðlun og Þóra Birgisdóttir lggf. fasteignsali kynna nýja eign í einkasölu en um er að ræða glæsilega 162 fm penthouse íbúð í lyftuhúsi að Barðastöðum 7 hjá Korpugolfvelli í Staðahverfi með óviðjafnanlegu útsýni. 
Íbúðin sem er á 6 og 7 hæð hússins er með útsýni nánast hringinn  frá Úlfarsfelli og Korpusvæðinu, til Esjunnar og nágrannafjalla í norðri, yfir borgina í suðri og sundin blá í vestri. Íbúðin er skráð 162 fm. skv. fasteignaskrá Þjóðskrár en er þó nokkuð stærri þar sem hluti hennar er undir súð og ekki skráðir fermetrar.
Íbúðin hefur verið töluvert  endurnýjuð og voru innréttingar teiknaðar af innanhússarkitektinum Halldóru Vífilsdóttur til að nýta sem best skemmtilegt og opið flæði, mikla  lofthæð með innbyggðri lýsingu og svæði undir súðinni. Húsið teiknaði Guðmundur Gunnlaugsson arkitekt.
Íbúðin er á tveimur hæðum, á neðri hæð eru forstofa, opnar stofur og eldhús í opnu L laga alrými, hjónaherbergi, svefnherbergi (nýtt sem skrifstofa) og baðherbergi. Á efri hæðinni er stór vinnustofa með rúmgóðum hirslum, fataherbergi, salerni og geymsla.
Nánari lýsing: Komið er inn á neðri hæð (6 hæð) og inn í opna forstofu með fatahengi. Opið og bjart, L-laga alrými með fallegu eldhúsi, borðstofu og setustofu. Stórir gluggar eru meðfram austur- og norðurhliðinni og útsýni listaverk í allar áttir.
Eldhúsið er með hvítri innréttingu með fallegum hnotuskápum í stíl við aðrar innréttingar. Vönduð eldhústæki, tengi fyrir uppþvottavél og gott borðpláss og opið vinnurými einkenna eldhúsið. Stór eyja er með skemmtilegri hönnun þannig að borðaðstaða er sérstaklega rúmgóð og skapar góðar aðstæður fyrir veislur og samveru. Tvö herbergi eru á neðri hæðinni, rúmgott hjónaherbergi með vönduðum fataskápum og annað herbergi sem nú er innréttað sem skrifstofa/vinnuherbergi. Baðherbergi er flísalagt með baðkari og upphengdri sturtu. Þvottahús er í sérrými næst eldhúsinu.
Stofurnar eru sérlega glæsilegar með mikilli lofthæð, gluggum á tvo vegu og sérhönnuðum hilluvegg/bókavegg. Gengið er út á flísalagðar svalir mót norðri frá stofunni.
Á efri hæðinni er opin og björt vinnustofa en þar gæti verið stofa eða rýminu skipt upp í fleiri herbergi.
Innst undir súðinni hefur verið innréttað á haganlegan máta fataherbergi og er geymsla  þar til hliðar. Rýmið var upphaflega teiknað sem gestaherbergi. Salerni  er á   hæðinni. Þar eru einnig stórar og hellulagðar svalir andspænis Úlfarsfelli.
Í húsinu er lyfta, snyrtileg sameign, fallegur garður með leiktækjum, bókasafn og notalegt samfélag. Húsinu hefur alltaf verið vel við haldið, verið er að ljúka við endurbætur og endurnýjun á gluggum  og ytra byrði hússins, og rekstur til fyrirmyndar. Á jarðhæð hússins er sameiginleg hjólageymsla. Stórt bílastæði umlukt trjám er við húsið.
Eignin er staðsett í rólegu og góðu hverfi. Korpugolfvöllur er handan götunnar. Stutt er í þjónustu til dæmis í Spönginni, Korputorgi og Bauhaus.  Útsýnið frá íbúðinni er einstakt,  sjóndeildarhringur í allar áttir og lega glugga og svala við það miðuð að njóta sjávar- og fjallasýnar. Frábærar gönguleiðir liggja frá húsinu með Úlfarsá (Korpu), golfvellinum og ströndinni og stutt í hið vinsæla Úlfarsfell. 

Allar frekari upplýsingar veitir Þóra Birgisdóttir lggf. s.777-2882 eða thora@eignamidlun.is


 

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 mánudaga til fimmtudaga og 9-16 á föstudögum

Heimasíða Eignamiðlunar

Eignamiðlun á Facebook