Skeljagrandi 13, 107 Reykjavík (Vesturbær)

145.000.000 kr.
  • Tegund Einbýli
  • Stærð 288 m2
  • Herbergi 8
  • Stofur 2
  • Svefnherbergi 6
  • Baðherbergi 3
  • Inngangur Sér
  • Byggingaár 1983
  • Lyfta Nei
  • Brunabótamat 85.100.000
  • Fasteignamat 111.550.000
  • Áhvílandi 0

Eignamiðlun kynnir:

Mjög fallegt einbýlishús á tveimur hæðum auk kjallara við Skeljagranda í vesturbænum. Innbyggður bílskúr. Húsið er staðsett innst inni í lítilli rólegri botngötu. Grasflöt með fánastöng er í miðju botngötunnar.  Húsið er skráð samtals 288 fm, þar af er bílskúrinn 24 fm. Húsið skiptist m.a. í stofu, borðstofu, tvö rúmgóð sjónvarpshol, eldhús, 6 stór herbergi, tvö baðherbergi, snyrtingu, tvö anddyri, þvottahús og geymslu. Geymsluris er yfir hluta hússins. Tvennar svalir. Gróinn garður sem snýr að mestu til suðurs. Mjög rúmgott bílaplan með hitalögn, sem rúmar nokkra bíla, er fyrir framan húsið. Húsið er teiknað af Páli V. Bjarnasyni arkitekt.

BÓKIÐ SKOÐUN HJÁ: Magnea S. Sverrisdóttir lg. fasteignasali s. 861 8511,  magnea@eignamidlun.is

Nánari lýsing.
Aðalhæð: komið er inn í flísalagt anddyri með skápum. Úr anddyri er komið í parketlagt hol. Innaf holi er flísalögð snyrting. Stofan og borðstofan eru samliggjandi. Viðarparket er á gólfum. Stórir fallegir gluggar eru í stofum. Gengið er út í garð til vesturs úr borðstofu. Strompur er á húsinu og hægt væri að setja arin í borðstofu. Eldhúsið er lagt viðarparketi. Upprunaleg innrétting úr eik er í eldhúsi en tæki voru endurnýjuð fyrir um 15 árum síðan þ.e. eldavél, ofn og gufugleypir. Stór borðkrókur. Innaf eldhúsi er dúklagt þvottahús með bakinngangi. Innangengt er í bílskúrinn í gegnum eldvarnarhurð frá þvottahúsi. Sjálfvirkur hurðaopnari er á bílskúr. Góðir gluggar. Hillur eru í bílskúr. 
Efri hæð: frá holi liggur steyptur teppalagður stigi upp á efri hæð. Sérhannað handrið úr eik sem liggur niður í kjallara. Komið er í rúmgott parketlagt hol sem er nýtt sem sjónvarpshol. Mikil lofthæð. Svalir eru útaf holi til suðurs. Á þessari hæð eru þrjú rúmgóð parketlögð herbergi. (Herbergin eru fjögur samkvæmt teikningu en eitt þeirra er þar sem nú er sjónvarpshol, mætti breyta aftur). Stórir skápar eru í hjónaherbergi. Svalir eru útaf hjónaherbergi til vesturs. Innangengt er á baðherbergi frá hjónaherbergi en einnig er gengið í baðherbergi frá holi. Baðherbergið er flísalagt, hátt til lofts, og með glugga. Baðkar og sturta. Stór innrétting og innbyggðar hillur. Góðar súðargeymslur eru á efri hæð og einnig er risloft yfir hluta hússins. Loft á efri hæð eru klædd viðarþiljum. Frá efri hæð hússins er útsýni m.a. sjávar- og fjallasýn.
Kjallari: gengið er niður steyptan teppalagðan stiga í kjallara frá aðalhæð. Sér inngangur er inn í anddyri með læstri hurð. Málað gólf er í anddyri. Í kjallara eru anddyri, hol, þrjú stór herbergi með viðarparketi og flísalagt baðherbergi með sturtu. Geymsla með hillum er innaf anddyri. Frá anddyri er komið í rúmgott hol með viðarparketi. Skápar eru í holi. 
Vandaðar eikarhurðir eru í öllu húsinu.

Timburverk framan á húsinu var endurnýjað árið 2009. Öll baðherbergin í húsinu voru endurnýjuð árið 1998 svo og parket á aðalhæð og í kjallara hússins. Hitagrind sem er í bílskúr var endurnýjuð vorið 2021 og allir ofnalokar í húsinu yfirfarnir.

Nokkur merkt sameiginleg bílastæði fyrir eigendur Skeljagranda 9-19 eru við enda götunnar. Einnig er sameiginleg grasflöt með fánastöng sem er í miðju botngötunnar.
Eftisótt staðsetning á rólegum stað í Vesturbænum. Örstutt er niður að sjávarsíðunni, á tvo vegu, þar sem eru göngu- og hjólaleiðir sem liggja m.a. út á Ægisíðu, Gróttu og Granda. Einnig er örstutt í leikskóla, skóla, sundlaug, heilsurækt, verslanir, bókasafn, apótek, kaffihús og fl. 

NÁNARI UPPLÝSINGAR VEITIR: Magnea S. Sverrisdóttir lg. fasteignasali s. 861 8511,  magnea@eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 mánudaga til fimmtudaga og 9-16 á föstudögum

Heimasíða Eignamiðlunar

Eignamiðlun á Facebook