Grensásvegi 11, 108 Reykjavík Sími 588-9090 Eignamiðlun on Facebook
Sigluvogur 11 , 104 Reykjavík (Vogar)
135.000.000 Kr.

Tegund: Einbýli

Stærð: 241 fm

Herbergi: 7

Stofur: 2

Svefnherbergi: 5

Baðherbergi:3

Inngangur: Sér

Byggingaár: 1960

Lyfta: Nei

Brunabótamat: 77.920.000

Fasteignamat: 92.050.000

Áhvílandi: 0

Eignamiðlun og Þóra Birgisdóttir lögg. fasteignasali kynna  nýtt í einkasölu glæsilegt og sérlega skemmtilega hannað hús eftir Sigvalda Thordarson sem einnig hannaði innréttingar hússins en vandað hefur verið til við viðhald og allar endurbætur með tilliti til upprunalegrar hönnunar hússins.
Húsið er skráð 241,7 fm. skv skrá fasteignamats Þjóðskrár, þar af er bílskúrinn 29,8 fm. Um er að ræða steypt hús frá 1960 á gróinni og skjólgóðri lóð í lokaðri götu í afar grónu hverfi.
Húsið hefur á skipa rúmgóðum og opnum stofum með mikilli lofthæð, 5 svefnherbergjum og sjónvarpsholi, stóru eldhúsi og 3 baðherbergjum.
Nánari lýsing: 
Komið er inn í forstofu á aðalhæð hússins, þar eru náttúrusteinn á gólfum og upprunlegt fatahengi og skápur. Gestasnyrting með glugga er inn af forstofunni.
Eldhús er opið og bjart með tveimur stórum gluggum og góðum borðkrók, innréttingin er hvít og tekk með Miele eldhústækjum. Mjög gott skápa- og bekkpláss er í eldhúsinu.
Stofur eru opin og björt rými með gluggum til suðurs og austurs, upptekin loft setja sterkan svip á rýmið og tryggja gott birtuflæði. Fallegur arinn er í stofunni, sérsmíðaðar innfelldar hillur og gólfsíður gluggi gera rými einstaklega notalegt. Gengið er út á timburverönd og skjólgóðan garð sem umlukinn er grindverki og fallegum gróðri. Sjónvarpsstofa er inn af stofunni, þar eru innbyggðar hillur í anda upprunalegrar hönnunar hússins, þetta rými getur einnig hentað sem herbergi eða skrifstofa.
Svefnherbergisálma er nokkrum þrepum ofar en stofan – þar eru í dag 3 herbergi (áður 4) og bað auk innfelldra skápa og vinnuaðstöðu.
Hjónaherbergi með skápum með rennihurðum, innfelldum hillum og hurð út á svalir mót n-austri.
Lítið herbergi fyrir miðjum gangi er í dag notað sem skrifstofa. Stórt og gott herbergi við enda gangsins var áður tvö herbergi (hurð enn til staðar). Teppi er á gólfi sem rammar inn sjarma sjöunda áratugarins. Ljós í lofti eru frá fyrstu eigendum hússins og fylgja með eigninni. Teppi á gangi og stiga er jafnframt mjög í anda upphaflegrar hönnunar hússins og setja hlýlegan svip á heimilið.
Á neðstu hæðinni sem gengið er í frá forstofu eru 2 góð svefnherbergi, baðherbergi, þvottahús og tvær geymslur.
Herbergi í vestur enda er rúmgott en þar hafa tvö rými verið sameinuð í eitt (merkt herbergi og andyri á teikningu) og hurð út í garð blinduð - en möguleiki er að opna aftur.
Stórt og gott herbergi fyrir enda gangsins er 18 fm (líklega ekki  inni í birtum fm.) Þetta herbergi er parketlagt með góðum skápum og gluggum.
Þvottahús er vel innréttað með góðri aðstöðu, innréttingum, hillum og gluggum.
Tvennar geymslur eru á ganginum auk þess er lítið hol fyrir framan enda herbergið sem býður upp á ýmsa möguleika í nýtingu svo sem sjónvarpshol.
Bílskúr: Snyrtilegur, málaður með hillum, hurð út í garð í enda bílskúrsins og glugga. Hiti í bílaplani. 
Útiskúr 4 fm er aðgengilegur frá norðurhlið hússins (undir svölunum).
Allar frekari upplýsingar um eignina veitir Þóra Birgisdóttir lggf. s. 777-2882 eða thora@eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 mánudaga til fimmtudaga og 9-16 á föstudögum

Heimasíða Eignamiðlunar

Eignamiðlun á Facebook




Skilaboð hafa verið send.

Sjá söluyfirlit


Skilaboð hafa verið send.