Grensásvegi 11, 108 Reykjavík Sími 588-9090 Eignamiðlun on Facebook
Hofsvallagata 55 , 107 Reykjavík (Vesturbær)
129.000.000 Kr.

Tegund: Hæð

Stærð: 230 fm

Herbergi: 8

Stofur: 3

Svefnherbergi: 6

Baðherbergi:3

Inngangur: Sér

Byggingaár: 1951

Lyfta: Nei

Brunabótamat: 68.180.000

Fasteignamat: 89.500.000

Áhvílandi: 0

Eignamiðlun kynnir: 230,9 fm efri sérhæð og ris með sérinngangi og stórum garði í Vesturbænum með útsýni til sjávar og Esjunnar. Íbúðin hefur verið mikið endurnýjuð og húsinu hefur verið vel við haldið. Ris byggt 2008.

Við erum öll almannavarnir. Drögum saman úr útbreiðslu Covid - 19 - Mætum með andlitsgrímur og hanska í sýningar. 

Smelltu hér til að sækja söluyfirlit.

Hofsvallagata 55 er steinsteypt hús teiknað af Ágústi Pálssyni arkitekt árið 1949, sá sami og teiknaði Neskirkju og Gljúfrastein. Húsið er tvær hæðir, kjallari og ris. Samkvæmt skráningu Þjóðskrár Íslands er birt flatarmál eignarinnar 230,9 fm, flatarmál íbúðarrýmis er 205,6 fm og bílskúr er skráður 25,3 fm. 
Hæðin skiptist í forstofu, hol, þrjú herbergi, stofu, borðstofu, baðherbergi, gestanyrtingu og eldhús. Í risi eru þrjú svefnherbergi, baðherbergi og sjónvarpshol/stofa. Í kjallara er sameiginlegt þvottahús og hitaklefi. Sér geymslur eru í kjallara. 


Nánari lýsing: Komið er inn í flísalagða forstofu. Stiginn og stigapallurinn upp er teppalagður. Út af stigapalli er flísalögð gestasnyrting og forstofuherbergi. Á herbergi er linoleum dúkur á gólfi, skápur og góður gluggi til vesturs. Áfram úr forstofu er hol,  merbau parket er á gólfi. Til hægri úr holi er herbergi með glugga til vesturs, linoleum dúkur á gólfi. Áfram úr holi er stofa og borðstofa (rennihurð á milli) með parketi á gólfum, stórir gluggar. Úr stofu er útgengt út á litlar vestur svalir. Úr borðstofu er útgengt út á stórar ný múrviðgerðar skjólgóðar suður svalir, nýtt handrið.
Til vinstri frá holi er herbergi, baðherbergi og eldhús. Herbergið er bæði með eldri og nýrri skápum. Baðherbergið er með flísum á gólfi og á veggjum, sturtu og baðinnréttingu. Eldhúsið var endurnýjað 2007 og opnað inn í borðstofu. Miele tæki, sjálfhreinsandi ofn og 80 cm span eldavél, stór vaskur með matarkvörn. Gufugleypir með sog út úr húsi.

Á neðri hæðinni eru upprunalegar mahony hurðir og í stofum mahony loftlistar.

Þakhæð/ris var reist 2008, gamla þakið rifið, ný botnplata steypt. Þakhæðin/risið allt nýtt að utan sem innan. Nýjar lagnir alla leið úr kjallara. (frárennsli, ofnalagnir og neysluvatn). Stiginn frá annari hæð upp í risið er sérsmíðaður af Finni Guðsteinssyni með gegnheilum mahoný þrepum. Í risi eru þrjú rúmgóð svefnherbergi, baðherbergi m/vask, baðkari og sturtu, sjónvarpshol, vestursvalir, geymslur undir súð. Baðherbergið er flísalagt og á gólfum er parket, gegnheill askur. Hægt væri að leigja sem sér íbúð í risi.

26,1 fm bílskúr fylgir eigninni, múrviðgerður árið 2011. Bílskurinn skiptist í tvennt, annars vegar er17fm vinnuherbergi gengið inn frá garðinum og hins vegar er geymsla sem opnast með rafmagnsbílskúrshurð. Árið 2016 voru veggir í vinnuherberginu einangraðir, gólfið flotað, lagðar ofnlagnir og stt ný útihurð og nýr gluggi. Wc og vaskur eru í rýminu, ekki sturta.

Mjög stór garður, arinn í garðinum og nokkur fágæt tré ss Askur, Kastaníutré, Beykitré.

Gluggar neðri hæðar nýlakkaðir að ninnan (af málarameistara).

Í kjallara eru tvær geymslur sem fylgja eigninni. Önnur er hefðbundin en hin er köld. Einnig er sameiginlegt þvottahús og hitaklefi, gólfin nýflotuð og lökkuð.

Vesturbæjarlaugin, Kaffi Vest, Melabúðin og Brauð og co í 2ja mín göngufæri. 
 
Framkvæmdir húsfélagsins síðan 2007:
2008 Útitröppur og skyggni steypuviðgert og endurmúrað.
2009-2010 drenað í kringum húsið og allar frárennslislagnir í kjallaragólfi endurnýjaðar.
2011 Bílskúrar múrviðgerðir, veggir og þak.
2015 Suður svalir 2. hæðar múrviðgerðar og nýtt svalahandrið sett.
2016 Litlu svalir ofan við bílaplan endursteyptar og múrviðgerðar.
2017 Múrviðgerð viðbyggingin undir suður svölum 1. hæðar.
2017 Nýjir gluggar settir í samþykktu kjallara íbúðina. Gluggar á 1.hæð málaðir að utan.
2018 Gluggar 2. hæðar og í meiri hluta kjallara endurnýjaðir. Nýtt gler, nýjir gluggar, listar og ný fög. Öll fög og listar koma grunnaðir plús ein umferð af málningu.
2019 Útihurðir olíubornar og nýjar bréfalúgur. Kjallarahurð olíuborin.
2019 Nýtt grindverk. Forsteyptar einingar múraðar saman á staðnum. Samþykkt af húsafriðunarnefndum ríkis og borgar
2020 nokkrir gluggar málaðir að utan Þar af stóri stofugluggi 2. hæðar.
2020 Tvær hliðar hússins málaðar. Einnig viðbygging sunnan megin og svalir ofan við hana. Bílskúrar málaðir. Málningarvinnan var unnin af eigendum. Keyptir voru nýjir vinnupallar, eign húsfélagsins.
2020 Þvottahúsgólf  og gólf í hitageymslu flotað og  lakkað með epoxy olíulakki

Nánari lýsing eignarinnar:
Nánari upplýsingar veitir Kjartan Hallgeirsson Löggiltur fasteignasali, í síma 824-9093, tölvupóstur kjartan@eignamidlun.is eða skrifstofa Eignamiðlunar í síma 588-9090

 

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 mánudaga til fimmtudaga og 9-16 á föstudögum

Heimasíða Eignamiðlunar

Eignamiðlun á Facebook




Skilaboð hafa verið send.

Sjá söluyfirlit


Skilaboð hafa verið send.