Grensásvegi 11, 108 Reykjavík Sími 588-9090 Eignamiðlun on Facebook
Huldubraut 26 , 200 Kópavogur
84.900.000 Kr.

Tegund: Hæð

Stærð: 177 fm

Herbergi: 5

Stofur: 2

Svefnherbergi: 3

Baðherbergi:2

Inngangur: Sér

Byggingaár: 1994

Lyfta: Nei

Brunabótamat: 56.550.000

Fasteignamat: 77.500.000

Áhvílandi: 0

Eignamiðlun kynnir: 

Eignin er seld með fyrirvara um fjármögnun. Fyrirvari sem gildir til 28. júní 2020.

Vandaða efri sérhæð á sjávarlóð við Fossvoginn. Einstakt útsýni yfir Öskjuhlíð, Esjuna og kvöldsólarlagið. Vandaðar innréttingar og tæki og aukin lofthæð er í stofu og eldhúsi. Gólfhiti er í allri íbúðinni og henni fylgir innbyggður bílskúr, sem gengið er í að utanverðu. Gólfefni í alrými eru gegnheilt eikarparket og ítalskar flísar. Birt stærð íbúðarrýmis er 155,4 fm skv. Þjóðskrá Íslands og bílskúrs 21,8 fm, samtals 177,2 fm.

Vel staðsett eign með einstöku útsýni í rólegri botnlangagötu.

Eignin skiptist í: forstofu, gestasnyrtingu, þvottahús, 2 stofur og eldhús í alrými (möguleiki á að loka hluta af stofu og útbúa 4rða herbergið), 3 svefnherbergi, baðherbergi og bílskúr.

Nánari lýsing: gengið er inn um sérinngang í lokaða, flísalagða forstofu sem er með góðum fataskápum. Úr forstofunni er gengið inn í gestasnyrtinu, þvottahús og í íbúðarrýmið. Gestasnyrtingin er með flísalögðu gólfi. Þvottahúsið er með vinnuborði með vaski og undir því eru stæði fyrir þvottavél og þurrkara, þá eru góðir geymsluskápar í þvottahúsinu. Þá er komið inn í alrými með tveimur stofum og rúmgóðu eldhúsi. Stærri stofan er afar björt og einstakt útsýni er úr henni yfir Öskjuhlíð, Esjuna, Snæfellsjökul og kvöldsólarlagið. Gengið er út á tvennar svalir úr stofu, rúmgóðar suðvestursvalir og litlar vestursvalir. Gengið er inn í minni stofuna á tvo vegu, auðvelt er að loka þeirri stofu og útbúa fjórða svefnherbergið. Eldhúsið er með U-laga innréttingu, neðri skápum og efri að hluta. Háfur yfir helluborði, bakarofn og örbylgjuofn. Borðkrókur er innst í eldhúsinu og háir skápar beggja vegna við hann.
Barnaherbergin eru tvö og eru þau bæði parketlögð. Hjónaherbergið er parketlagt og með góðum fataskápum. Baðherbergið er flísalagt í hólf og gólf, það er með góðri innréttingu, hornbaðkari og sér sturtuklefa. 

Eftirfarandi breytingar á skipulagi eignarinnar hafa verið gerðar frá grunnteikningunni sem fylgir hér myndasyrpu um eignina:
Gengið er inn í þvottahúsið úr forstofunni en ekki frá svefnherbergjagangi.
Minni stofan er nú nýtt sem sjónvarpsstofa. Mjög auðvelt væri að loka því rými af og nýta sem fjórða svefnherbergið.
Eldhúsið var stækkað á kostnað búrs/geymslu.

Bílskúr fylgir eigninni og er hann með rafmagni, heitu og köldu vatni. Bílaplanið er hellulagt og undir því er hitalögn.
Búið er að koma fyrir rafmagnstenginu á bílastæðinu til að hlaða rafmagnsbíl.

Lóðin er í óskiptri sameign ef frá er talinn sérafnotaréttur neðri hæðar (sólpallur).

Smelltu hér til að skoða teikningar af eigninni.

Allar nánari upplýsingar veitir Hrafnhildur Björk Baldursdóttir löggiltur fasteignasali hjá Eignamiðlun, Sími: 862-1110, Netfang: hrafnhildur@eignamidlun.is.
 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Eignamiðlun skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8% af heildarfasteignamati fyrir einstaklinga (0,4% fyrir fyrstu kaupendur ef eignarhluturinn er 50% eða hærri)       og 1,6% fyrir lögaðila.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2500 af hverju skjali.
3 Lántökugjald lánastofnunar - Nánari upplýsingar á heimasíðu lánastofnana.
4. Umsýslugjald fasteignasölu.

 

Upplýsingar á skrifstofu Eignamiðlunar í síma 588-9090 eða á netfanginu eignamidlun@eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 alla virka daga

Heimasíða Eignamiðlunar

Eignamiðlun á Facebook




Skilaboð hafa verið send.

Sjá söluyfirlit


Skilaboð hafa verið send.