Grensásvegi 11, 108 Reykjavík Sími 588-9090 Eignamiðlun on Facebook
Rauðalækur 33 , 105 Reykjavík (Austurbær)
55.700.000 Kr.

Tegund: Fjölbýli

Stærð: 115 fm

Herbergi: 5

Stofur: 2

Svefnherbergi: 3

Baðherbergi:1

Inngangur: Sameig.

Byggingaár: 1958

Lyfta: Nei

Brunabótamat: 34.600.000

Fasteignamat: 52.350.000

Áhvílandi: 0

Opið hús: 27. maí 2020 kl. 17:00 til 17:30.

Opið hús: Rauðalækur 33, 105 Reykjavík, Íbúð merkt: 01 03 01. Eignin verður sýnd miðvikudaginn 27. maí 2020 milli kl. 17:00 og kl. 17:30.

Eignamiðlun kynnir: 

Frábærlega staðsett 115,1 fermetra sérhæð á 3.hæð á besta stað við Rauðalæk. Stórar og bjartar stofur með gluggum til suðurs, og stórum svölum frá hjónaherbergi. Útsýni. Rúmgott eldhús, hol með skápum og góðu plássi fyrir bókahillur og vinnuaðstöðu, þrjú svefnherbergi. Mjög áhugaverð eign á eftirsóttum stað, stutt í leikskóla og leikvelli, verslanir, kaffihús og Laugardalinn. Eignin hentar vel til breytinga og endurbóta.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða olafur@eignamiðlun.is sem einnig sýnir íbúðina.

Eignin er við lokunina í Rauðalæk, og þess vegna engin umferð framhjá húsinu. Aðkoman að húsinu er skemmtileg en gengið er upp breiðar tröppur framan á húsinu. Húsið er steinað að utan með portbyggðu þaki. Framhlið hússins er að hluta til klædd með steni-klæðningu, þar á meðal svalahandrið íbúðarinnar.

Komið er inn í stigagang sem er sameiginlegur með annarri hæð hússins. Stigagangurinn er snyrtilegur, með nýlegu teppi og nýlega málaður. Sérlega fallegt handrið úr járni einkennir stigann. Á þriðju hæð er rúmgóður stigapallur þar sem er einnig lokuð lítil geymsla, sem mætti nýta sem fatahengi, og lítil gestasnyrting með glugga þar sem hefur verið komið fyrir þvottavél og þurrkara.

Gengið er inn í hol íbúðarinnar. Holið er rúmgott með skápum á heilum vegg. Veggurinn gengt skápunum er skemmtilega nýttur fyrir bókahillur og vinnuborð. Til vinstri frá holi er gengið í eldhús, svefnherbergisgangur er beint fram undan og stofur til hægri. Eldhús er rúmgott, með stórum og björtum gluggum, stórum borðkrók og stórri eldri innréttingu. Blöndunartæki voru endurnýjuð 2017. Dúkur á gólfi. Á svefnherbergisgangi eru þrjú herbergi og bað. Barnaherbergi eru björt með parketi á gólfum. Hjónaherbergi með fataskáp, gluggum til suðurs og útgengi útá svalir. Baðherbergi er með upprunalegum flísum og tækjum, en með nýlegum blöndunartækjum og nýrri sturtu.

Parket á gangi og stofum var slípað og lakkað 2012. Þá var einnig sett nýtt parket á svefnherbergin.

Í kjallara er sameiginlegt þvottahús með dyrum út á baklóð. Íbúðinni fylgja tvær geymslur í kjallara. Skriðloft er yfir hluta íbúðarinnar.

Að sögn seljenda hefur húsfélagið ráðist í ýmsar framkvæmdir undanfarin ár: Skipt var um dyrasíma fyrir 2. og 3. hæð 2015. Ástandsskýrsla um ástand glugga og dyra frá Efla verkfræðistofu 2016. Steypuviðgerðir á útitröppum og handriði 2106. Múrviðgerð á svölum 2016. Skipt um allt þakjárn, þakglugga og timbur í þaki eftir þörfum ásamt lagfæringu á skorsteini 2017. Nýtt dren og skólplagnir 2017. Stigagangur 2. og 3.hæðar tepplagður og málaður 2018. Þvottahús málað og gólf lakkað, nýtt teppi á geymslugangi 2018. Hitakompa máluð og gólf lakkað 2019. Garður endurnýjaður og hjólastæði hellulagt 2019.

Sérlega skemmtileg sérhæð með stórum stofum, á eftirsóttum stað nærri Laugardalnum. Eign með mikla möguleika.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.

Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.

Eignamiðlun fasteignasala | Grensásvegi 11 | 108 Reykjavík | Sími 588 9090 | www.eignamidlun.is

Upplýsingar á skrifstofu Eignamiðlunar í síma 588-9090 eða á netfanginu eignamidlun@eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 alla virka daga

Heimasíða Eignamiðlunar

Eignamiðlun á Facebook




Skilaboð hafa verið send.

Sjá söluyfirlit


Skilaboð hafa verið send.