Grensásvegi 11, 108 Reykjavík Sími 588-9090 Eignamiðlun on Facebook
Hraunbraut 38 , 200 Kópavogur
77.500.000 Kr.

Tegund: Einbýli

Stærð: 162 fm

Herbergi: 7

Stofur: 4

Svefnherbergi: 3

Baðherbergi:2

Inngangur: Sér

Byggingaár: 1964

Lyfta: Nei

Brunabótamat: 50.500.000

Fasteignamat: 71.550.000

Áhvílandi: 0

Eignamiðlun kynnir: 

Eignin er seld með fyrirvara um fjármögnun!

Hlýlegt einbýlishús umlukið ævintýragarði. Húsið er á pöllum og í hluta af neðri hæðinni, er 2ja herbergja íbúð, sem bæði er innangengt í af efri hæð og inn um sérinngang að utan. Nú eru tvö svefnherbergi á efri hæðinni, forstofa, sjónvarpshol/setustofa og stórar góðar stofur. Fallegt útsýni. Afar fallegur og veðursæll garður, með göngustígum, pöllum, köldu gróðurhúsi, jarðhýsi, geymslukofa og heitum potti. Margvíslegar tegundir af plöntum eru í garðinum, m.a. ávaxtatré sem hafa náð góðum þroska og hafa gefið vel af sér. Umfjöllun um garðinn má finna í bókinni ,,12 Glæsilegir garðar´´ og í þættinum ,,í garðinum með Gurrý'' í ríkissjónvarpinu (Sarpur, RÚV). Brit stærð efri hæðarinnar er 102,5 fm skv. Þjóðskrá Íslands og neðri hæðarinnar 60,1 fm, samtals 162,6 fm (forstofan á efri hæð er ekki undir skráðum fermetrum á eigninni).


Nánari upplýsingar um eignina veitir Hrafnhildur Björk Baldursdóttir lgfs. í síma 862-1110 eða hrafnhildur@eignamidlun.is

Eignin skiptist í:
Efri hæð (á þremur pöllum):
Forstofa (eitt þrep þaðan upp í sjónvarpshol), sjónvarpshol/setustofa (þrjú þrep þaðan upp í stofur og eldhús), 2 svefnherbergi, baðherbergi, stofa, borðstofa og eldhús.
Neðri hæð: 
Gangur (gengið út í garð), þvottaherbergi, geymsla, séríbúð með alrými (sólstofa og eldhúsaðstaða án eldavélar), svefnherbergi og baðherbergi.

Nánari lýsing: gengið er inn í bjarta flísalagða forstofu með stórum suðurglugga að garði. Þrep liggur upp í flísalagt sjónvarpshol þaðan sem gengið er inn í bæðí svefnherbergin og baðherbergið en þrjú þrep liggja úr sjónvarpsholi upp í stofur og eldhúsrýmið. Hjónaherbergið er parketlagt og með nýjum fataskáp. Barnaherbergið er með kork á gólfi og með upprunalegum fataskáp. Baðherbergið er flísalagt í hólf og gólf, það er með innréttingu, upphengdu salerni og sturtuklefa með glervegg. Baðherbergið er með glugga. Úr sjónvarpsholinu er gengið upp þrep í stóra og bjarta stofu og borðstofu þaðan sem fallegt útsýni er yfir Fossvog, Öskjuhlíð og Snæfellsjökul. Eldhúsið er við hlið borðstofunnar, það er með U-laga innréttingu, neðri skápum og efri að hluta, flísar á milli skápa og parket á gólfi. Fallegt útsýni úr eldhúsi líkt og borðstofu. Fiskibeinaparket í stofum og eldhúsi. Úr sjónvarpsholi er gengið inn um hurð og niður á neðri hæð hússins. Þar er flísalagður gangur, þvottahús og geymsla innaf því. Af ganginum er útgangur í garðinn. Innar í ganginum er hurð sem liggur inn í 2ja herbergja íbúðina. Mikill geymsluskápur liggur meðfram ganginum í íbúðinni þar til komið er inn í flísalagt alrými (sólstofa og eldhúsinnrétting án eldavélar). Af ganginum er komið inn í svefnherbergið, sem er flísalagt og úr því er gengið inn í baðherbergið. Baðherbergið er klætt Fibo baðplötum frá Þ. Þorgrímsson og gólfið flísalagt, baðherbergið er með innréttingu, upphengdu salerni og sturtuklefa. Sérinngangur er í íbúðina að utanverðu.

Mikið hefur verið lagt í ræktun á lóðinni og er garðurinn nú vel þekktur, ekki síst fyrir fjölda plöntutegunda og gott skipulag. Trépallar eru við þrjár hliðar hússins og er heitur pottur á suðurpallinum.

Bílastæði (innkeyrsla) er við húsið og stórt kerrustæði, sem einnig mætti nýta sem bílastæði.

Allar nánari upplýsingar veitir Hrafnhildur Björk Baldursdóttir löggiltur fasteignasali hjá Eignamiðlun, Sími: 862-1110, Netfang: hrafnhildur@eignamidlun.is.
 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Eignamiðlun skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8% af heildarfasteignamati fyrir einstaklinga (0,4% fyrir fyrstu kaupendur ef eignarhluturinn er 50% eða hærri)       og 1,6% fyrir lögaðila.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2500 af hverju skjali.
3 Lántökugjald lánastofnunar - Nánari upplýsingar á heimasíðu lánastofnana.
4. Umsýslugjald fasteignasölu.




 

Upplýsingar á skrifstofu Eignamiðlunar í síma 588-9090 eða á netfanginu eignamidlun@eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 alla virka daga

Heimasíða Eignamiðlunar

Eignamiðlun á Facebook




Skilaboð hafa verið send.

Sjá söluyfirlit


Skilaboð hafa verið send.