Grensásvegi 11, 108 Reykjavík Sími 588-9090 Eignamiðlun on Facebook
Grenimelur 40 , 107 Reykjavík (Vesturbær)
63.900.000 Kr.

Tegund: Hæð

Stærð: 109 fm

Herbergi: 4

Stofur: 1

Svefnherbergi: 3

Baðherbergi:1

Inngangur: Sameig.

Byggingaár: 1956

Lyfta: Nei

Brunabótamat: 31.450.000

Fasteignamat: 53.150.000

Áhvílandi: 0

Opið hús: 19. febrúar 2020 kl. 17:00 til 18:00.

Opið hús: Grenimelur 40, 107 Reykjavík. Eignin verður sýnd miðvikudaginn 19. febrúar 2020 milli kl. 17:00 og kl. 18:00.

Eignamiðlun kynnir: 

Einstaklega falleg 109,1 fermetra sérhæð við Grenimel 40, í hjarta Vesturbæjarins rétt hjá Vesturbæjarlaug, Melabúðinni og Kaffi Vest. Stutt á KR-völlinn, Melaskóli og Hagaskóli í göngufæri. Brauð &Co handan Hofsvallagötunnar. Íbúðin sjálf er 102,4 fermetrar á efstu hæð hússins, með góðu útsýni úr stofu og mikilli birtu. Á hæðinni er 2,6 fermetra geymsla og önnur 4,1 fermetrar í kjallara. Íbúð er mikið endurnýjuð að innan með smekklegum hætti og húsið hefur fengið mikið viðhald að utan undanfarin ár. Falleg og vel um gengin eign sem vert er að skoða.

Allar nánari upplýsingar veitir Ólafur H. Guðgeirsson, MBA, lgfs., í síma 663-2508 eða olafur@eignamidlun.is.


Af stigapalli er gengið inní hol íbúðarinnar þar sem er stór fataskápur. Úr holi er gengið í svefnherbergisgang þar sem eru tvö herbergi og baðherbergi. Eitt herbergi er til hægri úr holi. Gengið er í stofu úr holi þaðan sem eru stórar dyr í rúmgott eldhús.

Stofa er rúmgóð, björt með stórum gluggum til suðurs og svölum. Stórar dyr eru milli stofu og eldhúss, en í eldhúsi er ný stór eldhúsinnrétting. Framhliðar eldhússkápa vekja sérstaka athygli, en þeir eru sérhannaðir af seljanda eignarinnar. Rýmin eru bæði mjög björt, með stórum gluggum til suðurs og góðu útsýni. Svalir eru til suðurs frá stofu.

Til hægri úr holi er rúmgott herbergi með fataskáp, sem áður var eldhús íbúðarinnar.
Á svefnherbergisgangi eru tvö mjög rúmgóð herbergi. Hjónaherbergið er sérlega rúmgott, með stórum fataskáp. Baðherbergi er á svefnherbergisgangi, flísalagt með nýju baðkari og nýjum skáp fyrir vaskinn. Á ganginum er lúga, með innfeldum stiga, þar sem er aðgengi að rislofti yfir íbúðinni.

Á allri íbúðinni er nýtt sérlega fallegt eikarparket. Flísar á baði.

Á stigapalli er 2,6 fermetra geymsla sem nýtist afar vel, en önnur stærri geymsla er í kjallara. Í kjallara er sameiginlegt þvottahús.

Framkvæmdir, samkvæmt upplýsingum seljenda: Að innan nýtt eldhús og nýjar lagnir í eldhúsi, nýtt parket á allri íbúðinni, nýr vaskur, borð og baðkar á baðherbergi ásamt nýjum lögnum og nýju útöndunarröri frá baðherberginu, rafmagn endurnýjað í tengslum við nýtt skipulag íbúðarinnar. Að utan var farið í múrviðgerðir og nýja steiningu, svalir á 3.hæð og tröppur hússins múraðar, gluggar yfirfarnir og viðgerðir eftir þörfum, frárennslisbrunni komið fyrir á lóð hússins og frárennslislagnir viðgerðar. Verið er að skipta út rúðum í þakgluggum.

Notaleg og falleg íbúð með rúmgóðum herbergjum, sem fengið hefur gott viðhald og umhirðu, að því er séð verður.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.

Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.

Eignamiðlun fasteignasala | Grensásvegi 11 | 108 Reykjavík | Sími 588 9090 | www.eignamidlun.is
 

Upplýsingar á skrifstofu Eignamiðlunar í síma 588-9090 eða á netfanginu eignamidlun@eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 alla virka daga

Heimasíða Eignamiðlunar

Eignamiðlun á Facebook


Skilaboð hafa verið send.

Sjá söluyfirlit

Skilaboð hafa verið send.