Grensásvegi 11, 108 Reykjavík Sími 588-9090 Eignamiðlun on Facebook
Bakkahjalli 11 , 200 Kópavogur
103.400.000 Kr.

Tegund: Parhús

Stærð: 249 fm

Herbergi: 6

Stofur: 2

Svefnherbergi: 4

Baðherbergi:2

Inngangur: Sér

Byggingaár: 1995

Lyfta: Nei

Brunabótamat: 74.930.000

Fasteignamat: 79.800.000

Áhvílandi: 0

Eignamiðlun kynnir: 

EIGNIN ER SELD MEÐ FYRIRVARA UM FJÁRMÖGNUN. FYRIRVARI SEM GILDIR TIL 11.11.2019.

Glæsilegt parhús á tveimur hæðum á rólegum og veðursælum stað í suðurhlíðum Kópavogs. Afar gott skipulag á íbúðarrýminu. Fjögur svefnherbergi, góður möguleiki á að útbúa fimmta herbergið úr hluta af sjónvarpsholi.  Fallegar ítalskar innréttingar frá Innex í eldhúsi og baðherbergi. Nýr heitur pottur á verönd með fullkominni hitastýringu. Snyrtilegur og fallega gróinn garður. Þrír grunnskólar í göngufjarlægð og þrír leikskólar í nágrenninu. Stutt í fallegar gönguleiðir í Kópavogsdal og alla helstu verslun og þjónustu.

Hús staðsett í rólegu og fjölskylduvænu hverfi stutt frá allri helstu verslun og þjónustu.

Eignin skiptist í:
Efri hæð: forstofu, gestasnyrtingu, svefnherbergi, stofu, eldhús og bílskúr.
Neðri hæð: þrjú svefnherbergi, fataherbergi, baðherbergi, sjónvarpshol, þvottahús og geymslu.

Nánari lýsing: gengið er inn í flísalagða forstofu sem er með góðum fataskápum og skóskáp. Við forstofuna er gestasnyrting, sem er með flísalögðu gólfi og veggjum að hluta. Gluggi er á rýminu. Við hliðina á gestasnyrtingunni er svefnherbergi sem er parketlagt og með fataskáp. Þegar komið er inn ganginn er komið inn í bjarta stofu og eldhús í opnu rými. Stofan er parketlögð og úr henni er gott útsýni. Eldhúsið er með U-laga innréttingu, neðri skápum og efri að hluta auk þess sem hluti einingarinnar eru háir skápar frá gólfi. Eyja er í eldhúsinu, sem hægt er að sitja við og nýta sem vinnusvæði. Spanhelluborð og háfur yfir því. Borðaðstaða innst í eldhúsi og þaðan er gengið út á svalir. Gengið er niður parketlagðan stiga á neðri hæð hússins. Á neðri hæðinni er komið inn í afar rúmgott sjónvarpshol, sem er parketlagt og úr því er gengið út á verönd (góður möguleiki á að útbúa svefnherbergi úr hluta af sjónvarpsholi). Þrjú svefnherbergi eru á neðri hæðinni og eru þau öll parketlögð og tvö með fataskápum. Við hlið eins svefnherbergisins er gluggalaust fataherbergi. Baðherbergið er flísalagt í hólf og gólf, það er með góðri innréttingu, sturtuklefa með glerskilvegg og góðu baðkari. Gluggi er á rýminu. Þvottahúsið er rúmgott, með stæði og tengi fyrir þvottavél og þurrkara og góðri skápainnréttingu. Innaf þvottahúsinu er stór gluggalaus geymsla.

Sunnan við húsið er góður pallur með skjólveggjum og þar er heitur pottur með fullkominni hitastýringu.

Garðurinn er allur afar snyrtilegur og fallega gróinn. 

Bílskúrinn er með lökkuðu steyptu gólfi, rafmagni, heitu og köldu vatni. Lágt geymsluloft er yfir bílskúr.

Hiti undir hellum framan við húsið og í bílainnkeyrslunni.

Vandaðar ítalskar innréttingar frá Innex í eldhúsi og baðherbergi. 

Nýlega búið að hreinsa múr hússins að utanverðu og sílanbera. Nýlega búið að taka pallinn í gegn og bæta við hann auk þess sem nýlega er búið að bera á allt tréverk.

Nánari upplýsingar um eignina veitir Hrafnhildur Björk Baldursdóttir löggiltur fasteignasali í gsm: 862-1110 eða í netfangi: hrafnhildur@eigmamidlun.is.

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Eignamiðlun skorar því á væntanlega kaupendur að kynna sér vel ástand fasteigna

Upplýsingar á skrifstofu Eignamiðlunar í síma 588-9090 eða á netfanginu eignamidlun@eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 alla virka daga

Heimasíða Eignamiðlunar

Eignamiðlun á Facebook


Skilaboð hafa verið send.

Sjá söluyfirlit

Skilaboð hafa verið send.