Grensásvegi 11, 108 Reykjavík Sími 588-9090 Eignamiðlun on Facebook
Sólvallagata 14 , 101 Reykjavík (Miðbær)
Tilboð

Tegund: Einbýli

Stærð: 538 fm

Herbergi: 11

Stofur: 4

Svefnherbergi: 7

Baðherbergi:4

Inngangur: Sér

Byggingaár: 1928

Lyfta: Nei

Brunabótamat: 158.350.000

Fasteignamat: 201.700.000

Áhvílandi: 0

Eignamiðlun kynnir: 

Hér er um að ræða einstakt og stórglæsilegt einbýlishús við Sólvallagötu í Reykjavík, húsið hefur allt verið endurnýjað á síðustu árum, bæði að utan og innan, auk þess sem lóð var endurgerð og nýr bílskúr byggður.

Húsið er teiknað af Einari Erlendssyni árið 1928 og er á fjórum hæðum og er samtals 538,8 fm þar af bílskúr 35,0 fm.

Smelltu hér til að sækja söluyfirlit
Eignin skiptist þannig:

1. hæð hússins skiptist þannig: Komið er inni forstofu með fataskápum, hol, gesta baðherbergi með glugga og vönduðum tækjum, fataherbergi með sérsmíðuðum innréttingum. Þrjár samliggjandi glæsilegar stórar og bjartar stofur og stórt eldhús með tvöfaldri rennihurð með gleri í við borðstofu. Innréttingar í eldhúsi eru sérstaklega fallegar með grágrýti á borðum og vönduðum  Miele tækjum. Stór borðaðstaða er í eldhúsi. Aukin lofthæð er á hæðinni, innfelld lýsing að hluta til og rósettur eru í loftum. Gegnheilt eikarparket og flísar eru á gólfum hæðarinnar.

2. hæð hússins skiptist þannig: Gengið er upp mjög fallegan parketlagðan stiga og komið uppá svefnherbegisgang með vinnuaðstöðu. Til vesturs er útgengt á svalir. Baðherbergi með glugga, gólf og veggir eru flísalagðir,  innrétting með marmara á borðum, stórt hornbaðkar, handklæðaofn, flísalögð sturta með glerhurð. Hjónaherbergið er mjög stórt og með útgengi út á litlar svalir til suðurs. Innaf því er  stórt fataherbergi, með gluggum og sérsmíðuðum innréttingum. Tvö barnaherbergi eru á hæðinni og eru þau bæði mjög stór og með innbyggðum fataskápum. Gegnheilt eikarparket er á gólfum hæðarinnar.  Rósettur eru í loftum og aukin lofthæð.

Rishæð: Gengið er upp fallegan parketlagðan stiga uppá stigapall. Tvö stór herbergi eru á hæðinni.  Suður herbergi mjög stórt, með svölum og innbyggðum fataskápum auk útgengis á svalir til suðurs þaðan er mjög fallegt útsýni yfir borgina og víðar. Austur herbergið er rúmgott og með föstum skenk undir súð og með fataherbergi innaf með sérsmíðuðum innréttingum. Baðherbergi með glugga og er flísalagt, innrétting með marmara á borði, skápar og flísalögð sturta með glerhurð, vönduð tæki. Aukin lofthæð er á rishæð og innfelld lýsing í loftum. Gegnheilt eikarparket er á gólfum, fyrir utan baðherbergi sem er flísalagt.

Kjallari: Er með góðri lofthæð, komið er niður í gang og þaðan inní öll rými. Vínkjallari með föstum sérsmíðuðum innréttingum og rakatæki. Stórt herbergi með fataskápum. Sjónvarpsstofa með föstum sérsmíðuðum innréttingum á heilum vegg. Herbergi, rúmgott og með fataskápum. Ræstigeymsla. Þvottaherbergi, mjög stórt, með gluggum og miklum skápum og innréttingum með vinnuborði og vaski. Geymsla/inntaksrými, með glugga.  Eikarparket og flísar eru á gólfum og lofthæð í kjallara er rúmlega 2,5 metrar.

Húsið  var allt endurgert á vandaðan hátt á árunum 2017-2018. Að utan var það m.a. allt múrað upp á nýtt og málað og skipt um allt gler og glugga, þakjárn, þakpappa og einangrun.
Húsið að innan var allt innréttað á fallegan og vandaðan hátt á árunum 2017-2018. Rut Káradóttir hannaði innréttingar. Allar lagnir voru endurnýjaðar á sama tíma, s.s. raflagnir og töflur, klóak- og drenlagnir, neysluvatnslagnir og ofnalagnir.

Bílskúr, sem er steinsteyptur, byggður árið 2017, er 35,0 fm  að stærð með gluggum, göngudyrum, rafmótor á bílskúrshurð og rennandi heitu og köldu vatni.

Lóðin sem er um 708,0 fm að stærð og var öll endurgerð á fallegan og vandaðan hátt á árunum 2017-2018. Á framlóð hússins eru fallegar steinhleðslur, hellulagðar stéttir með hitalögnum undir og hellulögð stór innkeyrsla með hitalögnum undir. Fallegur steyptur veggur er á lóðarmörkum til suðurs og mikil lýsing er á lóð og í stéttum. Baklóðin er með stórum viðarveröndum, skjólveggjum og geymslum undir garðhúsgögn.

Nánari upplýsingar veita:

Sverrir Kristinsson löggiltur fasteignasali, sími 861-8514.
Kjartan Hallgeirsson löggiltur fasteignasali, sími 824-9093, kjartan@eignamidlun.is

Upplýsingar á skrifstofu Eignamiðlunar í síma 588-9090 eða á netfanginu eignamidlun@eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11 108 Reykjavík - Opið frá kl. 9-17 alla virka daga

Heimasíða Eignamiðlunar

Eignamiðlun á Facebook


Skilaboð hafa verið send.

Sjá söluyfirlit

Skilaboð hafa verið send.