Eignamiðlun kynnir:

Sérlega vandað og glæsilegt einbýli á tveimur hæðum, með aukaíbúð á jarðhæð. Glæsilegur arkitektúr, afar vandaðar innréttingar, mikið útsýni. Samtals birt stærð hússins er 314 fermetrar, en þar af er neðri hæðin 181 fermeter og efri hæðin 133 fermetrar. Íbúðarrými neðri hæðar er 133 fermetrar og þar af sér íbúð um 80 fermetrar. Til viðbótar er 26,1 fermetra bílskúr með 21,9 fermetra geymslu innaf. Efri hæð er skráð 133 fermetrar. Sérlega glæsilegt og vel nýtt hús, sjón er sögu ríkari.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða [email protected] sem einnig sýnir eignina. Til að undirbúa kauptilboð þá er skynsamlegt að fá söluverðmat á þinni eign, þér að kostnaðarlausu. Hringið og ræðið málið í síma 663-2508.

Smellið hér fyrir SÖLUYFIRLIT. Hringið og bókið einkaskoðun.

Góð aðkoma er að húsinu með stóru hellulögðu bílastæði og góðu rými fyrir nokkra bíla. Hleðslustöð á bílskúrnum, sem er afar vel búinn.
Gengið er inn í forstofu eða gang neðri hæðar, þar sem bílskúr er til vinstri og aukaíbúð til hægri. Gengið er í aukaíbúðina úr forstofu. Stigi til efri hæðar er einnig í forstofu, gangur við hlið stiga til þvottahúss, baðherbergis og geymslu auk þess sem gengið er í rúmgott herbergi til vinstri úr gangi og inn í gang aukaíbúðar innst úr ganginum. Gengið er í bílskúr í gegnum þvottahús. Vandaðar ljósar flísar eru á öllum gólfum neðri hæðar, epoxy á gólfum í bílskúr og geymslu. Áberandi vandaðar innréttingar eru á neðri hæð, eins og í öllu húsinu, en til að mynda eru allar hurðir sérlega fallega spónlagðar og allir skápar og aðrar innréttingar með sama spæni og sama útliti. Einstaklega vel heppnað og fallegt.

Baðherbergi neðri hæðar er flísalagt til lofts með annarri flísalögn í sturtuklefa, glæsileg sturta með innbyggðum blöndunartækjum, vegghengt salerni og innrétting. Annað eins baðherbergi fylgir aukaíbúðinni á jarðhæðinni.

Þvottahúsið er rúmgott með vönduðum hvítum innréttingu, en gengið er í bílskúr og samliggjandi geymslu úr þvottahús. Flísar eru á þvottahúsgólfi og epoxy á bílskúr og geymslu. Þessi rými eru sérlega vel útbúin og nýtast mjög vel.

Efri hæðin skiptist í samliggjandi stofur, tvískipt eldhús, eitt herbergi, baðherbergi og hjónaherbergi með fataherbergi. Stofur eru bjartar, rúmgóðar, með aukinni lofthæð og gólfsíðum gluggum sem bjóða uppá glæsilegt útsýni. Gluggar í stofu ná yfir heilan vegg og fyrir horn til beggja handa, frá gólfi til lofts, en auk þess eru gluggar á hliðarvegg stofunnar og í þaki. Rýmið er fyrir vikið einstaklega bjart og vistlegt. Almennt ergólfhiti í húsinu, en sérstakur ofn er felldur niður í gólfið við stóra gluggann, til að tryggja að góð hreyfing sé á lofti við gluggann. Arin er í stofunni, innfelld lýsing í loftum og svalir útfrá vesturenda stofunnar.

Athygli vekur að allar innihurðir á efri hæð hússins eru rennihurðir sem opnast alveg til lofts. Með þessu eykst birtuflæði mjög og aukin lofthæð á hæðinni nýtur sín til fulls.

Eldhús er tvískipt, annars vegar opið eldhús með stórri innréttingu og eyju með gashelluborði, og hins vegar bakeldhús sem hægt er að loka með rennihurð ef þörf er, en þar eru stórir skápar og ísskápur, annar vaskur, mikið vinnupláss og dyr út á verönd bakatil. Einstaklega glæsileg aðstaða sem hentar vel fyrir veisluhöld.

Eitt herbergi auk hjónaherbergis er á efri hæðinni, í dag nýtt sem skrifstofa, sem loka má með rennihurð. Baðherbergi efri hæðar er innréttað með sama hætti og baðherbergi neðri hæðar, en lokast með rennihurð og er með dyrum út á sólpall bakatil.

Hjónaherbergi er eins og önnur rými bjart og rúmgott, með rennihurð, dyrum út á sólpall baka til en auk þess með stórum austurglugga með rennihurð þannig að opna má svefnherbergið útá sólpall á bílskúrsþaki. Einnig er stór gluggi á herberginu í átt að götu. Fataherbergi er rúmgott með vönduðum innréttingum.

Aukaíbúð á jarðhæð hússins er vel útbúin þriggja herbergja með rúmgóðri stofu og fallegu opnu eldhúsi með eyju. Dyr út á lóð úr eldhúsi. Baðherbergi íbúðarinnar er glæsilegt, flísalagt og innréttað með sama hætti og önnur baðherbergi hússins. Tvö rúmgóð svefnherbergi. Fataskápur í forstofu. Stórar flísar eru á öllum gólfum í íbúðinni.

Lóð hússins er glæsileg, hellulagt stórt bílastæði framan við húsið og vandaðir sólpallar bakatil með heitum potti. Hluti sólpallanna nær yfir bílskúrsþak, en hægt er að opna hjónaherbergi út á þakið. Afar vel heppnuð hönnun.

Húsið er vel umgengið og hefur að því er séð verður notið góðrar umhirðu núverandi eiganda. Stórglæsileg frábærlega hönnuð eign sem nauðsynlegt er að skoða. Einstakt útsýni.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.

Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.

Eignamiðlun fasteignasala | Grensásvegi 11 | 108 Reykjavík | Sími 588 9090 | www.eignamidlun.is

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook