Eignamiðlun kynnir:

Einstakt einbýlishús á einni hæð með bílskúr við Kvistaland 7, 108 Reykjavík. Húsið er frábærlega staðsett fyrir neðan götu, stór og gróin lóð með sjaldgæfum plöntum. Botnlanginn er sérlega glæsilegur þar sem stuðlaberg tekur á móti manni og er allt umhverfið hið snyrtilegasta. Næg bílastæði fyrir íbúa. Birt stærð eignar er 203,1 fm. Húsið var að mestu tekið í gegn að innan árið 2022 og aðlagað að þörfum nútímafjölskyldunnar. Alrými er opið og skipar eldhúsið þar stóran sess. Engu var til sparað við framkvæmdirnar og er óhætt að segja að útkoma sé hin glæsilegasta. Húsið og lóðin býður upp á stækkunarmöguleika.

**Sækja söluyfirlit**

Bókið skoðun: Kjartan s.824-9093 / Lilja s. 649-3868
 
Skipulag eignar: Forstofa, gestasnyrting, þvottahús, hol, eldhús, stofur, þrjú til fjögur svefnherbergi (fimm samkv.teikningu), baðherbergi, geymsla og bílskúr.
 
Nánari lýsing:
Aðkoma: Heimreið er hellulögð með hita. Stór stétt við inngang og gott skjól. Falleg aðkoma er að húsinu þar sem Drápuhlíðargrjót tekur á móti manni við inngang. 
Forstofa: Björt og rúmgóð með stórum glugga. Flísalagt og hiti í gólfi.
Baðherbergi I: Með sturtu og vönduðum tækjum.  Flísalagt og hiti í gólfi.
Þvottahús: Innangengt af baðherbergi 1. Flísalagt með gólfhitla, góðri vinnuaðstöðu og handklæðaofni.
Eldhús: Vandað og virkilega fallegt eldhús frá Eirvík. Liebherr ísskápur með Biofresch. Miele ofn með innbyggðri rakastýringu og kjöthitamæli.  Miele combi ofn sem er í senn ofn og örbylgja. Miele spanhelluborð með innbyggðri viftu. Miele, innbyggð uppþvottavél með forðadisk. Vert er að taka fram að öll tækin eru sérlega vönduð og með mikla og marga eiginleika. Niðurfelldur vaskur og vönduð blöndunartæki eru í eldhúsi. Quartzite steinn - Panda er í eldhúsborðplötu. Stór eyja setur mjög skemmtilegan svip á allt eldhúsrýmið, stofu og borðstofu. Eldhúsið er sérlega rúmgott með frábærri vinnuaðstöð og er platan í 92cm vinnuhæð.  Eldhús er opið við stofu og borðstofu. 
Stofa og borðstofa: Fallegar og bjartar stofur þar sem stórir gluggar setja mikinn svip á rýmið. Auðvelt að breyta uppsetningu á borðstofu, stofu og sjónvarpsholi sé áhugi á því.
Sjónvarpsherbergi: Opið inn í rýmið úr holi sem er sérlega rúmgott með gólfhita og ofni.  Gluggar eru á rýminu og er mjög auðvelt að breyta rýminu í stórt herbergi.
Hjónasvíta: Tvö svefnherbergi voru sameinuð í eitt og gerð myndarleg hjónasvíta sem býður upp á ýmsa möguleika. Walk in fataherbergi og nýjar plis-sol myrkvunargardínur. Hiti í gólfi og ofnar. Geymsla er inn af hjónasvítu sem er notað sem annað fataherbergi og geymsla. Inn af hjónasvítu er baðherbergi II. 
Baðherbergi II: Flísalagt með rúmgóðri innréttingu, upphengdu salerni, handklæðaofni og baðkari með sturtu og hliðargleri. Gluggar með rafknúinni opnun. Baðherbergið hefur verið endurnýjað.
Svefnherbergi I: Gott barnaherbergi með skáp og nýjum plis-sol myrkvunargardínum. Parket á gólfi, gólfhiti og ofn.
Svefnherbergi II: Gott barnaherbergi með stórum skáp og nýjum plis-sol myrkvunargardínum. Parket á gólfi, gólfhiti og ofn.
 
Úr svefnherbergisgangi er útgengi í garð. 
 
Bílskúr: Rúmgóður og er í dag nýttur sem líkamsrækt og geymsla. Bílskúrinn er með hliðargluggum og hliðarhurð nálægt inngangi. Býður upp á ýmsa möguleika. Bílskúrinn var málaður og flotaður árið 2022.
 
Lóðin: Er falleg með miklum gróðri, sem vekur athygli, og hellulögðum stéttum. Afmarkaður snúrugarður. Hiti er í bílastæði við bílskúr og undir gönguleiðum að húsinu. Gestastæði í botnlanga.

Vel byggt og vel skipulagt hús, sunnan götu, á frábærum stað í Fossvoginum. Falleg gróin lóð. Örstutt í skóla og leikskóla, góða göngu- og hjólreiðastíga Fossvogsdalsins, og ýmsa afþreygingu. Nokkurra mínútna gangur í Elliðaárdal.
Einstakt tækifæri til að eignast hús á einum vinsælasta og veðursælasta stað Reykjavíkur.

Nánari upplýsingar veitir:
Kjartan Hallgeirsson, löggiltur fasteignasali, sími: 824-9093 / [email protected]
Lilja Guðmundsdóttir. löggiltur fasteignasali, sími: 649-3868 / [email protected]

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook